آأضــٍحكـ وؤآأنـآأ‘ فـي دآأخـلي مجـروح ..بقلــمـ‘ي ..

مرـرحبآأ‘ السـآأإع ..ِ

شحآآلكــم ؟! عسآأ‘كمـ بخيـر وعآفـيه ..ْ



أآضحــك وانآ فــي داخلي مجـروح..


اتــمنـى اجـوف تفـآأ‘علــكم ...اونه بعصب لو ماتفاعلتو خخخ >> اونها تهدد

اممم

تحـيآآاأ‘تــي

البـآأإرت الأول..




.................................................. ...............
المكان : غرفة امل
الساعه : 4:00 العصر
امل
.................................................. ...............
اخخ نشيت على صوت اذان العصر اوييه توني استوعب ماصليت الظهر استغفر الله ياربي خلني بقوم اصلي
محد واعني قمت بسرعه وسرت الحمام اتوضيت وصليت الظهر والعصر ويا بعض ...اووه سوري نسيت اعرفكم على نفسي
انا اسمي امل نحنا الحين ف اجازة الصيف عسب جي اليوم متاخره ف الرقاد امس مارقدت الا عقب صلاه الفجر المهم اناالحين صف ثاني ثنوي بسير ثالث ثنوي والباجي بتعرفونه ويا القصه ...الحين خلني اطلع برع همم طلعت سرت برع جفت جدامي اختي الي اكبر مني بسنتيين يالسه ترمس ف الفون
فخاطري اقوول حشى ماتشبع من الفون والقرقره جان اقولها
انا : اي ريمووو ماتشبيعن من الفون بندي ابا ارمس نوف
الريم : افف امول اصبري شوي خلي تكملي السالفه
انا : منووو ترمسين ؟
الريم : ارمس امون
انا : الله يعين عيل مابتبندين لين المغرب
وعقب رحت شويه جان اذكر شي وارد عند ريمو
انا : اقووول ريموو
الريم : افف املو تراج حشره شو تبين
انا : وييين اماييه ؟؟
الريم : مادري اظني تحت
جان اسويلها مالت بيدي واشرد عنها ههه
عقب نزلت تحت جفت امايه يالسه ويااخوي العودعمره 20 سنه تقريبا
يلست ويااهم جان امي تهزبي
امايه : املوو حشى داخله ع يهود سلمي
انا : اووه سووري مامي نسيت السلام عليكم
ردو : عليكم السلام
احمد : توه الناس
انا : انت شعليك كيفي
احمد : علي كندووره بعد شو علي ويافيسج
انا : احسن من فيسك
امايه : عنبووكم احترموني يالسه وياكم ماتحشمون حد انتو
احمد : امي هيه الي بدت
انا : لا والله هوووه
اماايه : بس بس اصص مابا اسمع ولا كلمه
سكتنا ثنيناتناا ويلسنا نطالع بعض بنظرات شويه جان اطلعله لساني
اننننه هههه جان كلنا ننقع من الضحك قمت من عندهم وسرت فوق شغلت الاب فتحت النت وفتحت المنتدى والمسن ويلست انزل قصص وجي همم شويه وتدخل وحده متعرفه من العين فديتها ماشاء الله عليها حبوووبه
رمستني :
كلي فداك :
مرحبااااااا والله امول انا اجوف المسن منور
انا :
ما أرد للجمرة وأشيلها بكفي جرحتني مره واظنها تكفي:
مرحبتيين والله هلا وغلا منوور بوجوودج
كلي فداك :
علوووومج الغاليه ؟

ما أرد للجمرة وأشيلها بكفي جرحتني مره واظنها تكفي:
والله علوومي تسرج ماتضرج ومن صوبج ؟
كلي فداك :
والله بخير دامج بخير الا اقول امول حدري المنتدى خل نخبل بالاعضااااء
ما أرد للجمرة وأشيلها بكفي جرحتني مره واظنها تكفي:
اوكي حبي ثواني

شويه ودشيت المنتدى وسولفنا ويا الاعضااء هع
تميييت ساعتين يالسه ع النت تقريبا كان الحين بيأذن المغرب
نشيت وقمت سرت تحت حصلت اختي بندت واخوي ظهر
وامايه موجوده هممم
انا: امااااااااااايه
اماايه : هلا بلاج تصااارخين تراني اسمع
انا : ههههه كنت بقووولج متى الحق الله( الحق الله هوه يعني يكون نص شعبان واليهال يدورون ع البيوت يجمعون حلاوه وشبسات وهالسوالف في دول يسمونه القرقيعان وفيه ناس مايسونه مول ^^)
اماايه: ورا باجر
انا : امي ابا اشتري شي يديد حق الحق الله
امايه : ليش ماعندج شي تلبسينه
الريم : هيه امي حتى انا اباا شي يديد كل الي عندنا ملبوس وجافو علينا
انا : اماايه خلينا نطلع الحين نسير الميغا بعده وقت
اماايه : لا لا اليوم قوم امي بيوون من راس الخيمه
اناا نطييت من الفرح : والله ماما صدق وخالو مهاري بتي
اماايه : هيه اكيد بتي
اناا استاانست وقمت اتجهز وارتب الحجره هههه




.................................................. .........
المكان : سيارة احمد
الوقت: الساعه 7:30 المغرب
احمد
.................................................. . .......
افف مليت والله بروحي من الصبح اتحوط خلني اقوول اتصل بواحد من الربع يطلع ويااااايه ياي بيتصل ف ربيعه سلوم جان يتذكر افف نسيت سلووم مساافر مادري متى بي ..خلني اتصل ف خلوف ولد عمي
اتصلت فييه ترن ترن ترن ترن شويه ورد
خليفه : مرحباااا ملااااااااااين ولا يسدن ف ذمتيه
انا : مراحب اقول خلوف انت وين
خلييفه : انااا ف البيت ملاان
انا : يلا عيل انا عند البااب اطلع بسرعه
خليفه : اوكي
انا: باي
وبندت عنه كنت اقص عليه انا هب عند البااب بس انا قريب يعني لين مايتجهز وجي وصلت عند الباب ويسلت اترياا وسرحت
شويه واسمع صوت البااب جفت خلوف يالس حذالي المهم سلمت عليه وجي
خلوف : احمدووه وين بنسير
انا : ماعرف انت وين تبا تسير
خلوف : هممممم مادري مافي بالي مكان محدد
انا : شرايك انسير الممزر
خلوف :انت ماتمل من هناك اربع وعشرين ساعه مطيح هناك
انا : ضحت عليييه هههههه لا مااامل



.................................................. ...............
المكان :بيت بواحمد
الوقت: الساعه 8:00 العشا
الريم
.................................................. ..........

الريم افف ملل مادري شو اسوي املو ترمس ف الفون وووامايه تعابل الاكل ف المطبخ خلني اسير اييلس ع الكمبيووتر خاطري اسمع اغنيييه سرت ويلست وحطيت السمااعه يلست اسمع واغني ويا الاغنيه ههه مندمجه ع االاخير وفجاءه اصرخ آآآآآآآآآآآآآآآآآ عبوود حسبي الله ع بليسك ليش جي تسوي يالهرم ماتجووفني مندمجه الهرم يا زيغني افف يقهر
عبدالله ميت من الضحك: ههههههههههههههههههههههههههههههه
اه والله لو تجوفين شكلج ياريمووو تموتين من الضحك
انا : يالهرم وربي بخبر ابويه
عبدالله : خبري عادي
ووشرد اففف يقهر هااليااهل
رديت مره ثانيه اندمج ويا الاغنيه
.................................................. ...............


المكان : الصاله
الوقت : 8:16 العشا
امل
.................................................. ...............
بندت عن نوفو وسرت صوب المطبخ عند امي جفتها توها طالعه منه
امل :امايه متى قوم امي بيووون
اماايه : الحين هم ع وصول
امل : زين بسير اتصل ف خالو بجوف هم وين
وسرت انا الصاله خذت الفوون واتصلت ترن ترن
خالوه مهره:الو
اناا: مرحبااااا
مهره : مراااحب
انا : كييفك ؟
مهره : منيييييحه
اناا : انتي فيين ياحلووي
مهمره : خلاص الحين نحنا عند الدواار
انا : اوكي باااايووو
مهره : باي
سرت قلت حق البشكاره تبطل البااب ويلست اترياااا
ماكملت خمس دقاايق والاا قوم امي دااشين البيت
سرت سلمت ع امي ولا اجوف خالوه مهاري
انا : هلاااااا واالله
وسلمت عليها وسوولفنا ودخلنا دااخل
اناا : اقوول مهاااري بتبااتون عندنا اليوم صح
مهااري : اولاا انا خالتج قولي خالووه مهره ثانياا لا اليوم بنسير بيت قوم خالج
اناا : اولا عادي ترااج هب من كبرج اقوولج خالوو ثانيا حرام بااتوو عندنا
مهاري :جي كل يوم العيد نباات عندكم المره الي طافت كنا عندكم هالمره بيت خالج
اناا كنت ياايه برد جان اتقول يدووه
امي : عيل وينها امج
اناا : الحين بسير ازقرها
وسرت ازقر اماايه
.................................................. ...............
المكان : سياره احمد
الساعه : 9:00
احمد
.................................................. ...........
يلسنا انا وخلووف نلفلف شويه بالسيااره ع الممزر ونعلق ع السااير والرااد شويه ورن تلفوني جفت البيت متصلين
رديت
اناا : مرحبا
امل : مرااحب حموود
انا : اصغر عيالج انا
امل : لا اكبرهم ههه
انا : خلصي بسرعه شو تبين
امل : اباا ريااال
انا : املووو خلصي ولاببند ف ويهج
امل : اوك اوك بلاك معصب خلاص بس كنت بقوولك ان قوم امي ف بيتنا تعاال بسرعه عشان تسلم عليهم لانهم مابيبااتوون
اناا : حشى كم كلمه ف الثاانيه
امل : قوول ماشاء الله
اناا : خخخخ ماشاء الله يلا اجلبي ويهج
امل : بااي
بندت عنها وانا اضحك عليها
صديت صوب خلوف اجووفه سرحان يت ف بالي فكره سرت عنده شوي شوي واصرخ ف اذنه فز من الزيغه
خلوف : اعوذ بالله بلاك يالهرم ماتستحي تزيغني جي
انا خلااص ميت من الضحك
عقب ماهديت شويه جان اقوله : الي ماخذ عقلك يتهناابه
خلوف : محد ماخذ عقلي
اناا : واااضح الصراحه
جان يطالعني بطرف عينه جان اظحك هههه
.................................................. ..............
المكان : بيت بو احمد
الساعه: 9:14مساءا
الريم
.................................................. ...............
يالسه اعدل شعري واغني يتني امول
امل : ريموووو
انا : هاااه
امل : بسرعه خلصي ترا قوم امي تحت
اناا : اوكي الحين بخلص شعري وبي
امل : اوكي انا بسير تحت باايو
خلصت شعري بسرعه وسرت اتعطرت ونزلت تحت الصااله
دخلت الصاله : السلام عليكم
كلهم لفو: عليكم السلام
مهااري : هلا والله بالريم
سلمت ع امي وعليها ويلسنا نسوولف شويه ودخل حمود

احمد: السلام عليكمـ ....
كلنا : عليكم السلام ....
وسلم ع امي خالوه ويلسنا نسووولف وتعشينا ويلسنا

.................................................. .............
المكان : الصاله
الوقت : 10
امل
.................................................. ............
يالسين نضحك ونسوولف وجي قامت امي وياها خالو
خالوه مهره :يلا عيل نحنا بنسير
امايه : وين توه النااس يلسووو بعد
امي : لا اسمحولنا بنسير بيت ابراهيم
انا : بااتوو بيتناا
امي : نحنا المره الي طافت بتنا ف بيتكم بس هالمره بيت ابراهيم
وسلمنا عليهم وجي وظهرو وسارو
اماايه: يلا عيل انا بسير ارقد
انا: تصبحين ع خير اماايه
اماايه : وانتي من اهله ..
احمد : انا عيل بظهر
الريم : حشى ماتشبع من الحوامه
احمد :هييه كيفي انتي شو قااهرنج
الريم: اففف طلعنا ويااك ملانيين
احمد : ماتشبعون من الطلعه قبل يوميين سرتوو بيت عمي
امل : هاكي قبل يوميين الحين غير
الريم : هيه حرام عليك والله ملانات محد يحس فينا كله طالعين نحنا حليلنا كله ف البيت ماشي شغل افف
احمد : اسميييكم اذيه سروو لبسوو عبيكم خمس دقايق ان مايتوو بسير عنكم
ونطينا نحنا بسرعه سرنا نلبس عبينا
ونحنا ساايرين برع ياء عبود اخوي الي صف 7
عبود : وين بتسيرون نص الليل
امل : احمد بيطلعنا
عبود عيل اصبرو بي وياكم
الريم : شو اييبك
امل : عادي خليه اي حليله اكيد ملان
الريم : يلا بسرعه تعال نحنا ف السياره
سرت انا ركبت جدام وريموو ورا لانه المره الي طافت هيه جدام وها المره انا خخخخ << بالدور هع
.................................................. .............
المكان : سياره احمد
الوقت : 10:22
.................................................. ...........
احمد
يالس اتريااا خواتي اين بظهرهن شوي ين ركبن
امل : سوري احمد تاخرنا
احمد : لا عادي
الريم : احمدووو اتريا شويه عبود بي ويانا
احمد : اوكي
يلست اتعبث ف المسجل وحطيت اغنيتي الي احبها
دقايق ويا عبود
عبود : السلام على من اتبع الهدى
كلنا :وعليكم السلام
عبود : املوو صدق انج ماتخيلين الحين انا الرياال وماتخليني ايلس جدام
امل : لا والله دووري ها المره ايلس جدام
عبود : يوم انا هب وياكم بيكون دورج
امل : احمد ربك اني خليت ريمو تيبك ولا هيه مب طاايعه
احمد: بس عاد حشرتونا
امل : اوكي احمد حبيبي خاطري ف اسكريم
احمد : انزييين شو اسويلج انا
امل : خخخ يعني مر باسكن
احمد : اشتغل عندج
الريم : الله يخليك احمد حتى انا ف خاطري
احمد : خلاص اوكي كسرتو خاطري
كلهم سكتو لانه يدرون اني مابطيع اوديهم اذا رمسو
سرنا وطلبنا وجي
احمد : يلا وين تبون تسيروون
الريم : هممم ماعرف والله انت وين بتودينا
احمد : خلاص بوديكم صوب البحيره
تحوطنا شويه وعقب رديتهم البيت

نــهآأ‘يـه البـآرت ..

البـآآأ‘رت الثـآآنــي..



.................................................. ...............
المكان : بيت بو احمد
الساعه : 12:00
.................................................. ........
امل
ردينا البيت وانا مستااانسه سرت فصخت عبااتي واتسبحت ويلست فجيت الاب ويلست اقرا قصة الخوف من الحب وايد عيبتني يلست اقراها ليين الساعه 4:00 بندت الاب وترييت الاذان صليت ورقدت ....

اليوم الثاني نشيت ع صوت اماايه
اماايه : امول حبيبتي فديتج نشي تلبسي بنسير بيت خالج عازمينا ع الغدا
امل : اماايه الساعه كمـ ؟
امايه : الساعه 12ونص يلا نشي صلي وتلبسي بنسير
نشيت وانا متعايزه مالي نفس واتسبحت وصليت واتلبست وسرت تحت
امل: صباح الخير
الكل : صباح النور
امل : هلا وغلا بابوويه وحبيته ع راسه
ابو احمد : مرحبابج غناتيه
امل : علووومك ابوويه ؟ وينك الغالي امس ماجفتك
ابو احمد : بخير الغاليه . وامس كنت مشغول
ام احمد : هيه بس الترحيب حق ابوج وانا طااف
امل :لا كله ولا زعل الغاليه شحالج امايه
اماايه : بخير ربي يسلمج غناتيه يلا اجهزتو لانه بنسير اتاخرنا ع العرب
امل: امايه منو هناك ؟
امايه : اميه وخالاتج وخالج
امل : خالو فاطمه بتي ؟
امايه : هيه
امل : وبتيييب بناتها ؟
امايه : هيه كلهم بيوون ويلا قومي زقري اختج لانا بنسير
امل : اماايه خالي محمد مابي ؟
امايه : من متى بعد خالج محمد اي
امل : والله تولهنا عليه من زمان ماجفناه
امايه :مادريبه بعديين بتصله بجووف وين دااره
امل : اماايه نحنا نبا نسير السوق نشتري شي حق الحق لله
امايه : اوكي خلاف يوم بنرد ترانا مابتاخر وايد بنرد عقب اذان العصر ..

امل : اوكي ابويه انت بتي ويانا
بواحمد : لا حبيبتي انا بس بوصلكم وبرد
امل : اوكي
وسرت جفت ريموو
.................................................. ...............
المكان : بيت بواحمد
الساعه : الساعه 1
الريم
.................................................. ...............

خلاص توني مخلصه يالسه اتعطر سمعت حد يدق الباب
الريم : تفضل
امل : يلا ريموو ماما تقول بنسير
الريم : اوكي خلاص انا مخلصه الحين بنزل
امل : اوكي
وسرنا ركبنا السيااره سرنا بيت خالي همم ترا بيت خالي ويدي نفس الايدار بس بيتين وخالي عنده ثلاث اولاد وبنت اكبر ولد صف 9 الي هوه راشد وعقب مايد صف 6 وعقب محمد الي صف 4 وشيخه الي ف كيجي ون فديتها عسوله
نزلنا بيت خالي كانو قوم خالو فاطمه موجودين الشبااب وخالي ف الميلس ونحنا ف الصاله سلمنا ويلسنا نحنا البنات ع صوب و الحريم ع صوب وعقب تغدينا
.................................................. ..............
المكان: بيت بو راشد
الساعه : 2:30
امل
.................................................. ............
يلسنا نسولف ويا بنات خالو فاطمه اكبر وحده هيه خوله صف 8
وعقب مريم صف 7 وعاشه صف 5 بس مريم وعاشه هب وايد ويانا اكثر شي خولو
خوله :افف ملل شونسوي
امل : شورايكم نسير بيت يدي انجوف عزووز
الريم : هيه والله تعالو خل نجوفه من زماان مايا بيتنا
خوله : لا استحي فضيحه
امل : عادي الا هوه بيت يدج
خوله : هممم اوك
وسرنا صوب بيت يدي ترا قوم خالو فاطمه عايشين ف راك وحتى يدوه وخالوه مهره لان يدي مطلق يدو من زمان وعرس وخذ وحده ثانيه وكل خوالي الي ذكرتهم من يدوه وترا حرمه يدي تستوي عمتي نوره اخت ابوي الوحيده وعند يدي من حرمه الثانيه خالو ايمان الحين من فتره معرسه واليوم مايت لانها مسافره وعقب خالي جاسم عمره تقريباا 21 سنه وانا ماقوله خالي لانه اصلا رابي ويانا ودووم مطيح ف بيتنا قبل ف عادي وعقب عبدالعزيز عمره 18 سنه وبعد ماقوله خالي وهوه واايد ويانا
ودوومه ف بيتنا ف عادي متعودين عليهم وكلهم حبوووبين
وعقب بنت صغيره اسمها علايه وهيه صف اول وسوالف

وصلنا بيت يدي ودخلنا الصاله .. محد سرنا فوق وخولوو مستحيه ونحنا نقولها عادي نحنا دوم متعودين اني بيت يدي
جفنا عزووز منسدح ع الغنفه يالس ايتاابع فلم ومندمج ولا حس فينا واشتغل عرج النذاله عندي قمت وصرخت ف اذنه ويقووم بسرعه زايغ
عزوز : خسج الله ياامولوو انتي ماتوووبين عن حركاتج
ونحنا ميته من الضحك: هههههههههههههههههههههههههههههههههههههههههههههههههه ههههههههههههههههههههههههههه
خوله : شحالك خالي ؟
عزوز : بخير ربي يسلمج اسمحيلي ماسلمت عليج هاي املو الحماره ربشتني ونسيت
خوله : لا مسموح خالي
الريم : بعد هاذا تقوليله خالي الا هوه عزووز
عزووز : لاا تخربج خلج ع خالي احسن منهم
امل : هيييه صح ياخالي العزيز
عزووز : انتي جب مارمسج
امل : افا ياخالي العزيز تزعل مني انا اموله حبييبت قلبك
عزوز : حبج برص بنتحر لو انتي حبيبت قلبي
امل : اصلا انت تتمنى ويا فيسك
الريم : بس عااد اقول عزوز شرايك تي ويانا بيت خالي ابراهيم
عزوز : منو هناك ؟؟
الريم : هم امايه خالو فاطمه ومرت خالي
عزوز : هممم احمد يا ولا ؟
امل : لا مايا بس عيال خالو هناك
عزوز : والله زين عيل بسير بسلم اصبرن شويه ببدل وبيكم
الريم : اوكي بس عزوز جسووم هني ولا ؟
عزووز : هييه رااقد
امل : زين عيل بنسير نغصص عليه
عزوز وهو يضحك : مجرمات حشى ههه
وسار عنا ونحنا سايرين حجره جسوم
الريم : بلاج ساكته ماترمسين ترا عادي تيتك ايزي
خوله : لا ماعليج بس مسحيه شويه وبتعود ع الوضع
امل : زين عيل
ودخلنا حجره جسوم ظلاام ماينجااف شي وبرد موووت صقيع
قمنا وبطلنا الستاره والدريشه وبطلنا الليت وبندنا المكيف
وسرت صوبه
امل: جسوووووووووووووووووووووووووووووم نش
جااسم : بسم الله الرحمن الرحيم انتي شو يااايبنج
امل : ريوولي يلا نش
جاسم : املو احسلج خليني ارقد
امل : يلا عاد جسوم نش كلهم هني ف بيت خالي
جاسم : اففف منج اذى
الريم : يلا عاد قوم
جاسم : انتي بعد هني
الريم : صدق انك مغفي امس متى راقد
جاسم: اصلا كنت مواصل الصبح رقدت
امل : خالي ترا خوله ويانا واقفه عند الباب مستحيه اونها تدخل
جاسم : فديت الادب هب انتو دفاشه اعوذ بالله ازقريها خل تدخل
الريم : لا والله كل هالرقه وتقول دفاشه ويا فيسك
جاسم : احسن من فييسج
دخلت خوله وسلمت ع جاسم
جاسم : شحالج خوله ؟
خوله: بخير وانت شحالك خالي ؟
جاسم: بخير دامج بخير
ويلسنا نسولف شويه ويا جسوم
عزوز : ماشاء الله هنيه انتو
امل : هييه هني نسولف ويا جاسم
جاسم : ايي املووه قولي خالي جاسم
امل : بتتريا وايد اذا تباني اقولك خالي
عزوز : يلا عاد تعالو بنسير
جاسم : وين بتسرون ؟
الريم :قلتلك مغفي ماصدقتني
خوله : بنسير بيت خالي
جاسم : اوكي خلاص عقب يمكن اي
وطلعنا عنه وسرنا بيت خالي
ودخلنا جفناهم يالسين يرمسون عن خالي محمد هاذا الله يسلمكم موول مانجوووفه يمكن اخر مره جفته قبل 7 شهور جي ناادر مااي بس ماعرف ليش مع اني ماحتك وايد فيه بس اعزه واايد
المهم يلسنا نسوولف وجي عقب اتفقنا نحنا البنات نخلي عزوز
يودينا السوق حتى خولوو بتسير ويانا وقلنالهم وهو وااافق يودينا
.................................................. ..............
المكان : الميغا مول
الساعه : 4 العصر
الريم
.................................................. ..........

سرنا ويا عزوز الميغا وماخلينا محل مادشيناه وامول حاشرتنا اونها تبا تشتري قميص ابيض حق الاسكول انقولها بعدين اونه لا مابقا شي عن الاسكول
الريم : امول يلا والله هلكنا
امل: افف اوك انا ابا باسكن
خوله : اوكي انا بعد ابا اسير اكسسزرس
عزوز : اوك عيل خل انسير تحت وعقب بنطلع مره وحده
البنات: اوك
ونزلنا كلنا تحت
امل : يلا انا بسير باسكن حد يبا شي
الريم:انا ابا بالفراوله
امل : عزوز خولو ماتبون شي
عزوز : لا مابغي شكـٍٍرأ
خوله: حتى انا
امل :ليش ماتبوون لا تحاتون انا الي بدفع
عزوز :خخخ جي تتحرين عيزانين عن عمارنا انا مابا عشان ماامرض
الريم : تمرض ف ها الحر
.................................................. .............
المكان : الميغا مول
الساعه : 6 ونص
امل
.................................................. .............
سرت انا وقلت ادري خولو تستحي ومابتاخذ بشتريلها ع ذوقي
وانا ساير جفت اثنين جدامي يشترون ويلست اترياهم شويه وهم مايدروون اني وراهم داقين سوالف افف تمللت
امل : احم احمـ ...
لفو صوبي قفطو اشكالهم اضحك وهم قافطين ضحكت عليهم ف خاطري المهم واحد منهم غمز حق الثاني حسيت ان وراهم شي ماعرف ليش شلو طلبيتهم وانا وقفت اطلب ويوم دفعت وخلصت وانا لافه جفتهم يالسين ع الطاولات يطالعون بنظرات غريبه حتى انهم ماياكلون يالسين بس يجوفون امم سويتلهم طاف وروحت عنهم حسيتهم قامو شويه ولا اسمع صوت واحد
الريال الاول : اخ ياويل حالي ع القمر
لفيت صووبه عطيته من هايج النظرات
الريال الثااني : محلات هالعيون
سويتلهم طاف وروحت دخلت اكسسزرس جفت محد ف خااطري افف هايل وين سارو وبعدهم الشباب يلحقوني
يلست اطالع يمين يسار محد اففف
يلست امشي وانا اسمعهم ورايه يقولوون الرقم ومشيت بسرعه
وعقب جفتهم في محل جدامي وسرت بسرعه والشباب من جافو عزووز شردوووو ََََ<< ترا يقولون الشرده نص المريله هع
امل : انتوو وين سرتو
الريم : ماشي الا هنيه شفناج اتاخرتي وسرنا هالمحل
المهم وعقب طلعنا من المول وعزوز حوطنا ع الممزر وعشانا وردنا البيت وكانت الساعه 11 يلست اقراا قصه لين الساعه 2 وعقب رقدت
تبون اوصفلكم امل لا طويله ولا قصيره مربربه شويه بس يعني بشكل حلو ولا بيضه ولا سمره وعيونها عسليه وحلوه وفيهم لمعه غريبه جي ع حزن ودوم البنات يسـألونها انتي حاطه عدساات بس هيه تقول لا وشعرها اسود بس هب اسود اسود يعني جي ياي ع البني ودوم تقصه وتقول هاي اخر مره وترد تقصه ههه وامها تهزبها اون حلات البنت بشعرها خشمها نااعم وصغير وشفايفها ورديه وصغيرهـ ودوم البنات ف الاسكول ايونها اونه معجبات وهيه تسويلهم طااف لانه ماتحب ها السوالف ودوم تحب الاكشن تحب السرعه وسوالف السيارات والالعاب الخطيره والدرجات وتحب تكتشف الاشيااء وسبحان الله فيها شي يجذب الواحد الها
.................................................. ............
المكان : غرفة احمد
الساعه : 12
احمد
.................................................. ...........
الله اليوم انا ميت من الفرحه تبون تعرفون ليش الله يسلمكم مره من المرات قبل سنتين كنت فاتح جات ع ايام المراهقه المهم ودشت عليه وحده جي شكلها مضيعه اتقولي شو السالفه ومادري شو شكلها داشه بالغلط المهم وعاد انا يلست اقولها انتي ف جات وجي ويوم عرفت استغربت وقالت يلا فمان الله عاد انا ماخليتها ويلست اقولها هيه انتو كلكم ماتحبوني وماعرف شو لاني خسف مع اني حلو بس عشان اخلي قلبها يحن عليه قلتلها جي المهم وجي وهيه شكلها البنت على نياتها يلست تقولي لا حرام لا تقول جي هب زين وعقب انا استدرجتها خليتها تعطيني ايميلها وعااد عقب شهر جي خذت رقمها ورمستها بالفون الصراحه ماجذب عليكم حبيتها بس كنت ارجع واقول لا انا رمستها بترمس غيري عقب حاولت اطرشلها ناس وجي البنت تردهم طلعت بنت حشيم ومالها ف هالسوالف المهم وتميت ارمسها سنه بالفون ومره اخوها زخها ترمسني حليلها وضربها ضرب لين قالت بس وياء ابوها وكمل عليها وخذو كل شي عنها الفون والاب وكل شي و من الويع مارامت اتسير المدرسه يومين ويوم سارت اليوم الثالث سارت غرفت الكمبيوتر وكتبت رساله ع الايمل وطرشتلي اياها وتميت تقريبا 5 شهور متعذب ماتتصلي الا مره كل شهرين ولا ساعات اطرشلي ايميل وعقب خلصت الاسكول وف الاخير حاولت ويا اهلها واشتغلت ف عياده كل ها عسب يعطونها فون ويوم عطوها تمو وايد يشكون فيها وانا غيرت رقمي بعد عسب مايعرفونه اهلها وارمسها ف الفون ويوم عندها الفون ويوم يشلونه والحين من كم يوم شالينه الفون وانا اترياها اطرشلي ايميل ولا شي والحين توني فتحت المسن جفتها مطرشتلي ايميل انه اخوها كان فدوره عسكريه وطلع ويوم طلع اونه شل الفون وهيه بتحاول تتصلي من تلفون اختها ولا شي الصراحه كنت احاتيها واايد خفت استوابها شي وانا انشاء الله قريب بخطبها ع الاقل خطبه عسب ماتروح عني وانا رمست الوالده وقالت بترمس ابويه وان شاء الله خيـر وهااي كل السالفه
اممم يلست شويه ع النت اتحوط وعقب خلصت وسرت حطيت راسي ورقدت ..عسب عندي دوام باجر السبت
.....
خلووني اوصفلكم احمد امم طوله عادي يعني اوكي وجسمه سبوورت عيونه سودا وكبيره وحلوه خشمه سيف وهو حنطاوي
وطيوب وايد وحبوب واجتمااعي وراعي سوالف ودراجات وجي
توام روحه ولد عمه خليفه من هم صغار ويا بعض عمره ماظاربو ولا شي جنهم اخوان وحتى يوم كانو صغار كانت ام احمد بترضع خليفه بس عقب ردت وقالت يمكن ياخذ حد من بناتي مع انه هاالشي مستحيل الحين لان البنات يعتبرونه اخوهم ورابي ويااهم وجنه اخووهم ودوم ايقولون حق امهم جان زين رضعتيه ويانا جان الحين اخونآ ...

.................................................. .........
المكان : غرفه ريم
الساعه : 1: ونص الظهر
الريم
.................................................. .......
نشيت ع صووت الفون افف والله كنت معصبه مول مالي بارض منو هالي داق رديت حتى بدون ماجوف الرقم

الريم : الوووووووو
ميره : هلا والله
الريم: ميرووه ياحماره وعيتيني من الرقاد كنت احلم خربتي عليه
ميره تستوي بنت عم الريم
ميره : حشى انتي لين الحين راقده نشي بسج ارقاد وبعدين تحلمين ف منوو هاااه ... ليكون احمـ احمـ ...
الريم استحت : جب جب
ميره : لاتقولين جب ولاتراني مابوصلج اخباارهم
الريم : هممم انزين شخباره ؟
ميره : والله تمام يسرج
انا بقولكم سالفت الريم الريم تحب ولد عمها اخو ميره اسمه حميد
وعمره 21وهيه تخبر ميره كل شي وقالتلها وحلفتها انها ماتخبره عن شي قالتها انا اباه يحبني من نفسه هب عشان انا احبه وجي ودووم تسـال ميروه عنه
.........
الريم : دوم ياربي
ميره : هههههه اقول شورايج تين انتي وامول فديتها بيتنا اليوم
الريم : بس اليوم الحق الله مابتسرين بيت قوم يدوه
ميره : هيه خلاص عيل بنتلاقى هناك
الريم : منو ف بيتكم ؟
ميره : والله محد انا وعلاوي اخوي وامايه ظاهره ويا ابويه سايرين صوب الذيذ صوب خووالي وحميد بعد بيظهر بعد شويه وبس
الريم : انزين منو بيبج بيت يدوه
ميره: بقول حق حميد يوديني وهو طالع
الريم : اهاآ اوكي عيل انا بخليج بسير اتسبح
ميره : اوك باي
الريم : الله وياج
قمت وتسبحت لبست جلابيه وسرت تحت جفت امي يالسه بروحها سرت عندها ويسلت سألتها متى بنسير بيت قوم يدوه قالتلي عقب صلاه العصر
وع الساعه ثلاث سرت اوعي امل عسب تتجهز
.................................................. ...............
المكان : غرفة امل
الساعه: 3ونص
.................................................. ...............
كنت توني طالعه من الحماام متسبحه يلست انشف شعري وعقب شويه نزلت تحت سلمت ع امي وع الساعه اربع الا ربع سرت اتلبس لبستلي بدله بنطلون سكيني سماوي وقميص ابيض وتنوره قصيره سموايه وجاكيت الي اي قصير سماوي واتجحلت ولبست اكسسوارتي عادي اصلا مابسير مكات بيت يدوه ف عادي البس ها الببس المهم شليت شنطه وحطيت اغاارضي فيها وطبعا انا ماعندي فون ف العايله عندنا منقود البنت تاخذ الفون الا عقب الثنويه وجيه المهم وعقب لبست بوت وعباه مفتوحه وسكارف فندي سماوي ... وتعطرت وطلعت سرت غرفة الريم
.................................................. ...............
غرفه الريم
الساعه : اربع
الريم
.................................................. ...............
كنت واقفه جدام المنظره وسرحانه افكر ف قلبي اخخ من زمان ماجفته يمكن من شهرين ياربي ولله ولهانه عليه شو اسوي
شوي وسمعت دق ع الباب قلت تفضل كانت امول
امل : ريمو ماخلصتي
ريمو : الحين بس بتجحل
امل : اوكي انا بنزل تحت اترياج
ريمو: اوك
نزلت امول وانا تجحلت بسرعه ولبست عباتي وشيلتي وشليت شنطتي وتعطرت ونزلت
خلوني اوصفلكم الريم ... طويله بس طولها حلو وهمم شعرها لين نص ظهرها واسود وناعم عيونها وساع وكبار وسود خشمها طويل وهيه بيضه شفايفها صغيره وحمرهـ.. وهيه وايد رومنسيه وتحب الاشياء الرومنسيه وخجوله وسوالف وحبوبه
سرنـأ بيت يدوه وكانت هناك ميره
ميره : هلا والله نور المكان
امل : هلا فيج غناتيه وسلمنا ع الباجين ووع يدوه فديتها
وسرنا نحنا البناات ف يلسنا برع ويلسنا نسولف
.................................................. ...............
المكان : بيت يدوه
الساعه: 4 ونص
امل
.................................................. ..............
كنت مندمجه ف سوالفي ويا بنت عمي ميره
امل : ميروه ماتعرفين اذا هندو بتي اليوم ولا
ميره : هيه انا طرشتلها مسج انا نحن بنتيمع ماعرف اذا بتي ولا لا
المهم خلني اقولكم هند بنت عمي اخت خليفه ونحنا بعد وايد وياها هيه يمكن عمرها 21 ف الجامعه بس طيووبه وحليوه خلني اوصفلكم بنات عمي ميره بنت حبووبه طويله شويه شعرها لين نص ظهرها لا بيظه ولا سمره عيونها حلوه لونها بني غامج وخشمها حلو وشفايفها حلوه بعد وهيه لا ضعيفه ولا متينه يعني حلو جسمها
وهند طيوبه وحلوه واحسها عاقله ودوم احب سوالفها انزين امم طولها عادي سمره بس سمارتها حلوه عيونها كبيره وسوده شعرها طويل لين نهايه ظهرها وخشمها حد السيف وشفايفها حلوه
........
المهم وانا يالسه ويا بنت عمي ماعرف ليش حسيت انهم يبون يرمسون ف سالفه خاصه مع انهم مالمحو بس حسيت من نظراتهم المهم
امل : اممم اقول انا بسير هاكي الصوب شويه اوكي
الريم: اوكي
وها الشي اكدلي انهم يبون يرمسون ع انفراد لانه دوم يوم انش ميرو تسألني ليش بتسيرين وماعرف شو ووين بس هالمره ساكته جنها تباها من الله المهم اصلا انا ملاحظه انها اليوم هب طبيعه ماتضحك من قلبها وجي ف سرت ورا البيت ويلست اتمشى وحطيت سمااعات الايبد ف اذني ويلست اسمع وسرحت


نهـآأـأ‘يـه البـآآرب



اتــمنى اجــوف تفـآعلكم ..^^

بدايــة البـآرت الثآـآلث..*+
.................................................. ..........
المكان : بيت يدوه
الساعه : 4: 37
الريم
.................................................. .......
تميت ساكته حسيت ان ميروه عندها شي واترياها ترمس بس مارمست ونزلت عيونها وسكتت جان اقول
الريم : فديتج ميروه شوفيج
ميره بابتسامه حزينه : لا الغلا ماشي
الريم : حبيبتي ميره انا اعرفج اكثر من نفسي ادري ان فيج شي حتى يوم تضحكين هب من قلبج
ميره : ماعرف شو اقولج ولا شو اخلي بصراحه متضايجه
الريم : انزين الغلا ارمسي ولاتخلين شي ف خاطرج جنج ترمسين عمرج وسرج ف بير
ميره : انا ادري انج مابتقولين شي بس ماعرف ماعرف شو اقول
وطاحت دمعه من عينها
الريم : قولي الي ف خاطرج
ميره : محمد
الريم : شو فيه ؟؟؟؟
ميره : محمد ياريم ماعرف عنه شي من اسبوع
الريم : همم مايفتح المسن
ميره وهيه تصيح: هيه من اسبوع ومافتح اتريااه والله ياريم تعبانه اطرشله رسايل مايرد ياااريم انا احس ان فيه شي وعقب اتذكرت ان اخت قبل كانت ويانا ف السكول تعرفينها شيخو المهم اتصلت قلت بسحب منها الرمسه ويلست اسولف وياها وقالتي ان اخوها مسوي حادث من فتره ودخل ف غيبووبه 5 ايام ويوم نش ريوله قالو لازم يسوله عمليه عسب يرد يمشي وبيركبوله حديد لين يلتحم العظم مره وهم قالو انهم بيودونه المانيا بيسوووله هناك انزين وعقب يوم دشيت المسن جفته مطرشلي رساله يستسمح مني ويقولي انه بيساافر ومايدري متى بيرد وقالتي تحملي ع عمرج وكملت صياحها
الريم سارت حظنتها : حبيبتي لاتستهمين ماعليه شر يالغلا بيرد وتر العمليه سهله لا تصيحين غناتيه ووهو الحين يالغلا محتااج دعوااتج ادعيله
ميره : بس بس انا خايفه
الريم : الغلا ماعليه شر يالغلا ادعيله ويلا مشي دموعج الحين الكل بيون
ميره وهيه تمسح دموعها : سووري ريمو ضايقتج
الريم : افا عليج يالغلاآ نحنا لبعض
اممم خلني اقوولكم سالفه ميره من سنه كانت مشتركه ف منتدى ويعني جي المدير كان دوم يهتم فيها وهالمنتدى منتدى اخو ربيعتها وهيه دوم تلاحظ انه يعني يهتم فيها ويرد ع مواضيعها وجي وخلاها مشرفه وجي ومره كانت سايره مول جان اتجوف شيخه ربيعتها وياها اخوها وكانت ماشاء الله عليه حلو بس هيه يعني ماقالت شي وعقب سـألت شيخه منو كان وياج قالتلها اخوي قالتلها هالي عنده منتدى قالت هيه المهم يعني عقب هاكي حست عمرها تهتم فيه وادور مواضيع واتراقبه وتترياه يدش وجي وعقب فتره قال المدير انه بيصك المنتدى خلاص وماعرف شو المهم هيه تضايجت وجي وعقب كم يوم يتها اضافه ع المسن المهم استقبله وطلع المدير ماخذ ايميلها من ايميل اخته بدون ماتدري المهم حاول وياها وهيه ماطاعت اترمسه وجي وسوتله بلوك بس بدون دليت ومره فتره وهو يطرشلها ع الهوت رسايل وجي ويوم عيد ميلادها اتذكرها وكان الوحيد الي تذكر وطرشلها رساله وجي وهيه جافت اون لاين قالت بشكره وجي ورمسته وجي وقامت مره تسويله بلوك ومره ترمسه ومره جي يعني صدق متحملها ماشي ريال يتحمل ها المذله فاكيد ايحبها والحين هيه اترمسه ع المسن بس حتى صوتها وصورتها ماجافها وقايللها بخطبج بس هيه ماطاعت قالت اونه لا ييوم بخلص الجامعه

................................................. ...............

المكان : سياره احمد
الساعه : 5 ونص
احمد
.................................................. ...............
خطفت ع احمد واتفقنا انسير بيت قوم يدوه نسلم عليها وعقب نسير الفستفل
ونحنا ف الدرب يالسين نسولف
خليفه : احمدو مر الكفتيريا خل نشتري كرك
احمد : اوكي خلاص هب مشكله
ومرينا الكفتيريا
.................................................. ........
المكان : بيت يدوه
الساعه : 5 : 44
امل
.................................................. .........
كنت يالسه اتمشى وافكر واسمع اغاني ف الايبد المهم وسرحانه ويالسه اغني همم صوتي يعني هب وايد حلو حلو بس في اغاني يطلع حلو وفي اغاني عادي يعني هب مزعج واكثر شي حلو ف الاغاني الحزينه هع كنت افكر ف حياتي احس انها ممله ماشي شغل يعني غير احس ناقصنها شي ماعرف شو هممم قلبي يعورني ماعرف ليش احـس بشي غريب ماعرف شو بس ع خفيف يسير ويرد عليه جفت يهال داخلين البيت هايل عيال يران يدوه اكيد يايين ياخذون حق الله المهم سرت الصوب الثاني رديت افكر ياربي احس انه ناقصني شي يمـكـن الحـب معني مـستحيل افكر ف ها الشي خـلاص انا عفت الحب وعقب جان اجوف سياره احمد داشه البيت ونزل احمد وخليفه سرت صوبهم
اتوايهت ويا احمد لاني ماجفته من يومين
امل : احمدوو وينك من يومين مالك حس
احمد : والله موجووده يالغلا
امل : شحالك خلوف ؟
خليفه : والله تمامو ووانتي ؟
امل : والله يسرك مانشكي باس
خليفه : دوم
امل : خلوف
خليفه : اصغر عيالج خلوف قولي خليفه
امل : ههههه اوكي الشيخ خليفه ليش مايبت هندو
خليفه : هيه جي ابااج وهند مايبتها بتي ويا امايه
ويلست اسولف وياهم لين دخلنا داخل
ودخلنا داخل سلمو ع يدوه جان احصلي هزبه من امايه
ام احمد : امل خوزي ها من اذنج هب زين اليوم نص شعبان مفروض تستغفرين هب زين
امل : ان شاء الله امي
احمد : وي نازعوها
امل : جب جب
احمد : يجبج
جان اجوف امي تتطالعنا بنظرات يعني احشمو يدتكم وخلوف يضحك من تحت لي تحت ههه
امل : الله مابقا شي ع رمضان
يدوه : هيه والله
امل: افف والله قهر عقب العيد مداارس قهر
احمد : وي وي انتو بعدكم مال المدرسه
امل : جب انزين
ويلسنا نسوولف شويه وعقب وصلت مرت عمي سلمت عليها وعلى هندوو وسرنا صوب البنات
ويلسنا نسولف وعقب فليل ردينا البيت
ويووم ردينا البيت سرت الحجره تسبحت ولبست بجامه وحطيت راسي ورقدت
مر اسبوعين بدون احداث تذكر هع
.................................................. ...............
المكان : غرفه الريم
الساعه : 3 الظهر
الريم
.................................................. ..............
كنت امشط شعري واغني ومستانسه دشت عليه امول
امل : شو تسوين
الريم: ماشي يالسه
امل : اليوم بنسير بيت قوم يدوه
الريم : هيه
امل: خخ احسج مستانسه
الريم : هيه هع
امل : زين زين
الريم : امممم امول ابا اسألج سؤال
امل : هلا شو ؟
الريم : انتي يعني في مره حبيتي ؟؟
امل : ههههههههههههههه
صح انها ضحكت بس حستها ضحك حزن ماعرف ليش انا دوومي مافهمها هالانسانه
الريم : بلاج شوفيج ليش تضحكين
امل وهيه تمش دموعها من الضحك : لا ماشي ... لاوالله ماجربت احب ولا ابا اجرب بعد
الريم: ليش عاد الحب شي حلو
امل : جنج الا مجربه
الريم ارتبكت : لا لا لا
امل : انزين بلاج جي تقولينها
الريم : لا عادي
اطالعتني امل بنظرهـ ماعرف افسرها بصراحه اقولكم ماافهم ها البنت جان اتقول
امل : تتحريني ماعرف انج تحبين حميد ولد عمي وطلعت من الحجره
انا فجيييت عيني ع الاخير هال كثر انا مكشوفه ولا شو السالفه
افف هالبنت جنيه ماعرف كيف عرفت بعدين بتستجوبها اذا طاعت تقول تجهزت ولبست لان بعد شويه بنسير بيت قوم يدوه
وعقب سرت غرفه امول
.................................................. .............


المكان : غرفه امل
الساعه: 3:33
امل
.................................................. ...........
هممم كنت يالسه امشط شعري و يالسه اجوفه ف المنظره
دخلت عليه الريم جان ابتسم ابتسامه خبيثه انا متـأكده انها بتسألني عن السالفه بس استغبيت
امل : اقول ريموو خاطري اقص شعرف
الريم : همممم بس انتي قاصتنه قبل كم شهر
امل : لا عادي ابا اغير استايلي
الريم :والله كيفج
امل : همممم خلاص بقصه حق العيد
الريم : كيف بتقصينه
امل : يمكن اقصه قرادي يمدحونها
الريم : همم زين امون دوم تقصها تقول حلوه
امل : زين زين
الريم : هيه صح انتي شو سالفتج قبل شويه
امل استهبل : اي سالفه؟؟
الريم : لاتستهبلين
امل : لا صدق ماستهبل اي سالفه ؟
الريم : قبل شويه يوم كنتي ف غرفتي
امل : ماذكر انا رمسنا فسالفه ؟؟ ذكريني انتي
الريم : اوهو امول يوم يوم قلتي
سكتت ويها استوى احمر هع ع فكره انا يوم قلت عن حميد كنت شاكله بس الحين تأكدت لانها احمرت هع
امل : شو قلت كملي
غمضت عينها بسرعه وقالت : يوم قلتي اني احب حميد
امل : ايوااا هيه تذكرت شو فيها السالفه ؟
الريم: انتي منوو خرط عليج وقالج اني احبه
امل : جوفي ويهج ف المنظره كيف احمر وبتعرفين وسرت عنها تحت ايلس ويا امايه شويه ...
.................................................. ...........
المكان: غرفه امل
الساعه : 3:50
الريم
.................................................. ............
سرت اجوف ويهي ف المنظره جفته عادي بس شويه احمر اووبس انا رووحي كشفت عمري اكيد ويهي احمر وهيه عرفت ياربي اففف ماعليه ادري انها مابتخبر حد هع
سرت حجرتي واتصلت حق امون
الريم : مرحبآآآآ
امون :مرحبتين حياتي
الريم : كيفك ؟
امون : منيحه حبي وانتي كيفك ؟
الريم : والله بنشكر الله
امون : دووووم ياربي هب يوم
الريم : اموووووووووون الحقي
امون : خيييير شو مستوي ؟
الريم : امووووول
امون : بلاها ؟؟؟؟
الريم: عرفت عن حميد
امون : اوييييه كيف عرفت؟؟؟
الريم :ماعرف اليوم يتني اونه تتحرين اني ماعرف انج تحبين حميد
امون : اويييه انزين كملي
الريم : عقب جان اسريلها حجرتها سألتها عن السالفه قالتلي اون جوفي ويهج ف المنظره وبتعرفين
اموون : بلاه ويهج ليكووون محمر ادريبج انا
الريم :هييه تخلي كان تعرفيني من ايبوون طاريه احمر
امون : والله هاي اختج شيطانه ماشاء الله عليها
الريم : هيه والله
وعقب سولفت وياها شويه وسكرت عنها عسب بنسير بيت يدوه
وسرنا بيت يدوه ويلسنا وبنات عمي يو وتيمعنها نحنا ف الصاله الي برع
هند : اقوووول بقوولكم نكته ؟
امل : اوك يلا قوولي
هند : محششين اثنين يطالعون الاخبار قال الاول حق الثاني بلاها الاخبار طولت اليوم قالت يمكن الحلقه الاخير هههه
امل والريم وميره يضحكون
ميره : امول طلبتج
امل : تـمـ السـآع الغلاآ
مييره :غني
امل : لا لا صوتي هب حلو
هند : لالا غني ريمو تقول صوتج حلو ف الاغاني الحزينه غني عن خاطريه
الريم : هيه والله صوتها طرر فالاغاني الحزينه
امل : اممم اوكي هب مشكله عطوني غنيه حلوه
ميره : غني مال الجسمي والله مايسوى

.................................................. ...............
المكان بيت يدوه
الساعه : 9
امل
.................................................. .............
من طرت ميروه هالاغنيه احس ان قلبي عورني ودق بسرعه وحسيت بغصه وجسمي وصلت حراارته 40 بس سويت عمري عادي
امل :بس ع شرط
هند : الي هوه ؟
امل : يبولي قلاس ماي بارد
الريم : نشتغل عندج
امل: يلا عادي انا بغنيلكم وبتعب احبالي الصوتيه
ميره : اوك بيبلج بس اذا ماطلع صوتج حلو بفره ع راسج
امل : ههههه اوك انتي يبي
سارت ميروه يابتلي قلاس ماي بصراحه حسيته برد عليه ويودت عمري عسب اغني عدل
امل : احمـ احمـ اسكتووو واسمعوو
كلهم سكتو
اتساندت عاالايدار الي ورايه وغمضت عيني وبديت اغني
امل : والله مايسـوى اعيش الدنيااا دوووونك لا ولا تسوى حياتي ف هالوجوود دامك انت الي رحـــلت وكيف بصبر عن بعادك وكيف بنثر هالوروود ...... الــخ
ويوم ييت عند هالمقطع حسيت قلبي من الخاطر يعورني
روووح انا رااضي بغيااابك ياحيااااتي هاذي قسمه لي وهاذا لي نصيب كنت شمعه تضوي وتشرق حياتي انطفيت ورحت في وقت المغيب انطفيت ورحت في وقت المغيب ... وكملت الاغنيه لين اخر شي فتحت عيوني جفتهم مندمجين ف الاغنيه وجفت ميرو عيونها ادمع حسيت انه فيها شي جي ولا ماتوقع تصيح عسب اغنيه بدون سبب حتى لو كانت واايد متأثره ماتوصل لصياح اكيد فيها شي بس بعرفه مع الايام مع اني متأكده ان الساالفه فيها حب بس يالله ياخبر اليوم بفلوس باجر بلاش .. كنت ابا اتم بروحي بس اذا نشيت بيشكون فيني
امل : هممم شورايكمـ ؟؟
هند : ماشاء الله صووتج حلوو حسيت انج غنيتيها من الخاطر
امل :هههههه كله عشان يعيبكم صووتي
الريم: حلو صوتج
امل : عيوونج الحلوه
ميره : توني ادري ان عندي بنت عم صوتها حلو
امل : وانا بعد توني ادري ان عندي بنت عم حسااسه
ميره : لا عادي
امل : لاعادي تتحريني ماجفت دمووعج هاا
ميره : لا لا بس رمل دخل ف عيوني
امل : اهاا صح صح
هند : بسكم عاد حشرتوناآآ ههه

.................................................. ...............
بيت يدوه
الساعه : 10
الريم
.................................................. ..............
مادري ليش حسيت املو بعد تعرف عن ميروو يوم لمحتلها مايندى هاي شووراها خلني عقب بحذر ميرووه انتبهت ع هند ترمسني
هند : بلاج ريمو سرحاااااانه ف منووو ؟؟؟
جان اضحك : قلتلها لا هب سرحانه ف حد يوم لفيت الصوب الثاني جفت امول وميرو يغمزوولي اونه عاد حميد عاد انا مت من الضح اشكالهم اتضحكت كل وحده من صوب تغمزلي هع والله عبط لازم اقول حق ميروه ان امول تعرف بعد مافينا
امل : الله بااااجر رمضان اسميني مستاانسه
ميره : هيه والله حتى اليوم الجو جو رمضان والوقت يمر بسرعه حتى اضني صلو التراويح
امل : هيه اليوم انا قريت جزء وباجر بكمل
الريم: زين زين انا باجر ببدأ
هند : زين حتى انا ..
ميره : اشريتو حق العيد ولا لا ؟
الريم : انا فصلت حق هالعيد مخوره جي تغير شو رايكم انتو بعد جي انطقم تغير عن البدل
امل : مي 2 فصلت وياها
ميره : خلاص هب مشكله بقول حق اماايه تفصلي
هند : همممم حتى انا ..
امل: شورايكم بنات نختار لنا يوم ونسير نسوي شوبينغ ؟؟
هند : الله فكره حلوه بعد حلانه كلنا انطقم ويا بعض نايسوو
الريم : هيه والله كشخه كلنا صباح العيد نلبس مخور وعقب العصر كلنا نفس البدل واليوم الثاني بعد نايس احس
ميره : هيه والله كششخهـ...
امل : اوك بنحدد يوم وبنسير كلنا
صح ان امل اصغر وحده فينا بس احسها يعني هيه الي تحلي اليلسه بسوالفها ورمساتها ودوم نعتمد عليها احس عندها خبرات ف كل المجالات دوم اسألها مع انها اصغر بس بعد فيها اشيااء ماافهمها
.................................................. .........
المكان : امارات مول
الساعه : 10
احمد
.................................................. ........
كنت يالس ويا الشبااب فالكوفي نسولف ونعلق ع السااير والراد فجاءه رن فوني جفت رقم غريب قمت عن الشبااب وسرت رديت

احمد : الو
اليازيه : مرحبآ
احمد : يزوووي
الياازيه : شحالك احمد ؟؟
احمد : هب بخير يالغلاآ وينج انتي من اسبووعين فذمتيه اني ولهت عليج
الياازيه : اسمحلي الغالي انت تعرف ان اخويه شال تلفوني وماروم ارمس واليوم يوم سرت العياده خذت فون ربيعتي ورمستك
احمد : علني افداج الغلاآ
اليازيه: مبروك عليك الشهر غناتيه
احمد: علينا وعليج حياتي
اليازيه : همممم انت وين حبيبي ؟
احمد : انا ف امارات مول ويا الشباب
اليازيه : اهاآ انزين الغالي انا بخلليك الحين ماقدر ارمسك زياده عيب فون البنت وتحمل ع عمرك ولا تطالع يمين ولا يسار
احمد : من عيووووني يالغلا من عيووني
اليازيه : فديت عيونك
احمد : ماوصيت حبيبتي لاتقطعين
اليازيه : ان شاء الله حبيبي اذا لقيت فرصه بدقلك ولا يهمك الغالي
احمد : اوكي الغلاآ
اليازيه : فمان الله
احمد : ربي يحفظج ..
بنتدت عنها فديتها وربي همممـ سرت صوب الشباب وقلتلهم
احمد : اسمحولي انا اترخص الحين
سالم: ويين احمدو توه الناس
احمد : لا ماعليه مره ثانيه الحين لازم اروح
كلهم : اوك الرب حافظنك
وروحت عنهم ركبت سيارتي يلست اتحوط وافكر ف اليازيه

.................................................. ...............


المكان :غرفه امل
الساعه: 11 فليل
امل
.................................................. .............
همم رديت من بيت يدوه وخذيت شور ويلست ع الاب كنت بقرا قصه قريت شويه بس حسيت مالي خاطري اقرا مع انها حلوه بندتها وطحت اتجلبت وافكر ماياني رقاد قمت اجوف الساعه 11ونص حسيت توه الناس طلعت برع غرفتي جفتهم كلهم رقود دخلت غرفة ريمو جفتها يالسه ع الاب
امل : همم ريموشو تسوين
الريم : ماشي اتحوط ع النت
امل : اوك تبين شي بتصل حق احمد ايبلنا عشى يوعانه باجر صيام
الريم : همممم اوك قوليله نبا من مكدونلز
امل : اوك
وطلعت عنها وسرت تحت اتصل ف احمد
.................................................. .........
المكان : سياره احمد
الساعه : 11:44
.................................................. .........
كنت يالس اتحوط وسرحان فجاءه رن فوني جفت ان البيت متصلين ورديت
امل : مرحباااااااااااااااا
احمد : مراحب
امل : شحالك ؟
احمد : تمامووو شو تبين؟
امل : عافان الله اسـأل عن اخبااري
احمد : قبل كم ساعه جاايفنج
امل : اوك خلاص اقول مر مكدولنز ايبلنا عشا
احمد : سحوور يالهبله هب عشا
امل : خلاص الي هوه
احمد : اوك يوم بوصل بتصل فيج بجوف شو تبين
امل : اوك باي
احمد :باي

.................................................. ...............
المكان : بيت بواحمد ..
الساعه : 12 ونص
الريم
.................................................. ..............
طلعت من غرفتي جفت امول يالسه ف الصاله الي فوق
امل: ريموووووو تعالي جوفي بيحطون فلم حلووو
الريم : اوك حمود متى بي
امل : مادري توه متصل يسألني شو نبا
الريم: اهاا اوك اكيد ع وصول
يلسنا انا وريم نتاااااااابع الفلم وحطو اعلان
الريم : اقول هب جنه اتأخر
امل : هممم هيه اوك انا بسير اتصل
الريم : اوك
اتصلت امل فيه
.................................................. ............
المكان : سياره احمد
الساعه: 12: 33
احمد
.................................................. ............
كنت اسولف ويا حميد ولد عمي رن الفون
احمد : اقول حميد لحظه برد ع الفون
حميد : اكيد وحده من ربيعاتك
احمد :جب هاي اختي ودرنا هاالسوالف من زمان ياخي
رديت ع الفون وانا مـتأكد انها امول تسأل عن العشا
احمد : مرحب
امول : هلا وغلا
احمد : هاه شو تبين
امول : ليش تأخرت
احمد : كنت ويا حميد
امول : اهاا حميد ولد عمي
احمد : هيه يلا باي
امل : باي وسلم عليه ههه
وبندت في ويهي صدق ماتستحي بأدبها يوم برد هع
ورديت عند حميد
احمد : اسمحلي حميد برد البيت
حميد : وين توه الناس
احمد : لا بس هاي امل متصله اون متى بتي
حميد :ههه لين الحين ملسونه
احمد : هيه ولين باجر هه شارلهم عشى وتترياه
حميد : سير يابوك عن تأكلك
احمد : هه هيه اوك يلا فمان الله
حميد : الرب حافظنك
نهـآأـأ‘يـه البـآآرت

بدآأ‘أآيــه البـآأ‘رت الـرأ‘بـع..


.................................................. ........
المكان : بيت بو احمد
الساعه : الساعه 12:35
امل
.................................................. ........
بندت عن احمد وماحسيت الاباموسده ع راسي
امل: ريمووووووووووووووو وووجع ان شاء الله
الريم : انتي شو خصج بحميد تسلمين عليه
امل :ككك ولد عمي لاتنسييين هع
وفريت عليها الموسده مره ثانيه يلسنا نظارب بالمواسد
وعقب ردو الفلم ويلسنا نتاابع ومندمجين ع الاخير فجآه
اااااااااااااااااااااااااااأآأ احمدوووو خسك الله قلبي وقف
احمد ميت من الضحك : ههههههههههههههههههههههههههههههههههههخخخهخهخههههههه ههههههههههههههههههههههههههههه ماقدر هههههههه اشكاالكم ههههااخخخ تحفففففففففففففففففه هههههههههههههه
انا انقهرت منه اففف يقهر شليت مخده وفريتها عليه
احمد : حماره
امل : حرمتك
احمد : ريلج
اطااااااالعت بنظره يمكن هوه الوحيد الي فهمها
احمد : اوووه ماتبون تتعشون هاكو يبتلكم
حسيت انه يبا يغير السالفه
الريم : هييه نبااا يلا يبوو بكمل الفلم
امل : هيه يلا عطنا
احمد : هكوو الجيس خذوه كله مالكم
امل : انت مابتاكل
احمد: لا انا متعشي ويلا انا بسير ارقد تامروني بشي
ريمو ماردت عليه لانها كانت مندمجه ف الفلم
امل : لا سلامتك
احمد : ربي يسلمج
وسار يرقد اخخ ياخوي جلبت المواجع
كلت الوجبه وسرت ارقد حتى بدون ماكمل الفلم وريمو حرجت عليه
.................................................. ...............
المكان :بيت بو احمـد
الساعه:10
امل
.................................................. ...............
نشيت من الرقاد وانا اطالع الساعه قلت خلني اقوم اقرا قرآن لان اليوم اول يوم من رمضان سرت الحمام واتسبحت لبست لي جلابيه بيت و قريت لي شويه قرآن وسرت تحت
امل : صبآح الخــير
امايه : صباح النور
امل : شحالج ماما ؟
امايه : تمام الحمدالله
امايه : غريبه اليوم ناشه من وقت
امل : همم امس راقده من وقت
امايه :هيه احسلج تنضمين رقادج حق المدرسه
امل : هييه والله
امايه : انزين زهبو عماركم اليوم الظهر بنسير بيت يدتج بنفطر هناكي اليوم
امل : اوكي عيل خلاص امايه انا بسير فوق بيلس ع النت شويه
امايه : حشا عيونج بترووح من الكمبيووتر
امل :ماعليه امايه بس شويه
وسرت فوق ويلست ع الاب كنت توني بشغل اغنيه جان اذكر اني صايمه قمت شغلة قران وفتحت المسن مالقيت حد اون وحدرت المنتدى طرشت حق الاعضاء تهاني بمناسبه رمضان
وعقب اتصلت بخالو مهره باركتلها بالشهر ووع الساعه 12 ونص سرت صليت الظهر وسرت حجرة ريمو اوعيها
امل: ريم يلا نشي
الريم وهيه مغمضه عين وفاتحه عين: هممم شو تبين؟؟
امل : يلا نشي صلي وتلبسي بنسير بيت يدوه
.................................................. .........


المكان : بيت بو احمد
الساعه : 12 ونص
الريم
.................................................. ...............
نشيت ع صوت امول توعيني عسب بنسير بييت يدوه وسرت الحمام < عزكم اللله .... وتسبحت وطلعت وقفت جدام المنظهر انشف شعري وسرت صليت قريت قران وسرت غرفه امول
ريمو : امول اليوم شو بتلبسين ؟؟
امل : هممم انا قلت بلبس مخوره...
الريم : هيه اوك زين
امل : واتصلي ف بنات عمي خل نطقم
الريم : اوكي
طلعت من حجرتها وسرت غرفتي اتصلت ف ميرو وقلتلها واتصلت ف هند ماردت طرشتلها مسج وقلتلها
.................................................. ........
المكان : بيت بو احمد
الساعه : 1 الظهر
امل
.................................................. ..............
سرت حجرت ريمو جفتها متجهزه ومخلصه وسرنا تحت جفنا امايه تلبس عباتها وسرنا ركبنا السياره وسرنا بيت يدوه ومحد كان يااي ويلسنا نسولف ويا يدوه وعقب بنات عمي ويلسنا نسولف وجي لين العصر
.................................................. ...............
المكان : بيت يدوه
الساعه : 5 العصر
الريم
.................................................. ...............
قمت عن بنات عمي لان فوني رن وكانت ربيعتي كنت ارمسها ومندمجه ف الرمس واظحك وبندت عنها و لفيت ورا جفت واحد انصدمت وحسيته انه هوه بعد منصدم انا عرفته بس هوه ماتوقع وشوي سمعت هند تزقرني
هند :ريموووو يلا تعالي
مارديت عليها وسرت بسرعه وانا قلبي يدق واتنافض
.................................................. ...............
المكان بيت يدوه
الساعه: 5:5 العصر
حميد
.................................................. ...............
كنت ساير بيت يدوه فجاه جفت وحده ماشاء الله عليها حلوه تميت اطالعها ومنصدم وهيه بعد ويوم سمعت وحده تزقرها ريمو انصدمت هاي ريم بنت عمي سلطاااان متى كبرت من زمااان ماجفتها ماشاء الله عليها وعقب دخلت داخل سلمت على يدوه يلست تتشره عليه اونه انت محد يجوفك ماتي موول وحلفت علي افطر عندهم ماحبيت اردها وسرت ميلس الريااايل وكانو عمامي هناك وسلمت ويلست حذال احمد
احمد : غريبه من زمان ماييت
حميد : شو نسوي مشاغل
احمد : زين زين
وسكت عنه سرحـــت فيهاآآآ اخخخ عليها اسميها حلوه
.................................................. ..........
المكان : بيت يدوه
الساعه : 5:10 العصر
امل
.................................................. .......
جفت ريموؤو وويها متغير عرفت شو فيها لان يوم روحت حميد اتصل ف ميرو سـالها منو هنيه لانه جريب وبي ايسلم واكيد يوم ياء جافها هع حليها والله
امل : كم بقا ع الاذن ؟
هند : ساعه وشوي
امل : انزين قومو نسوي شي ملانه والله
ميره : انزين شو نسوي ؟
امل : همممممم بناات اليوم تعالو بيتنا نسهر وبعد عادي رمضان
الريم: هيييه تعالو كششخه
ميره : لا استحي فضيحه
الريم : جب جب شو فضيحه عادي بيت عمج
هند : هممم اوك بشاور امي ويجوف
ميره : خلاص حتى اناآ
امل: يلا الحين وبسير وياكم عسب انا بعد بقولهم
وسرنا داخل وواول شي ماطاااعووو بس حاولت وياهم ووافقو
وردينا الصاله الي برع
امل:الله كششخه مابغوا يوافقون
هند : هيه والله
الريم: الله ناااااااايسوؤوؤ
امل : الحين عندي فكره خطيييييره
ميره : الله يعينا ع افكارج انتي
الريم : انزين شو؟؟
امل : شوفو نحنا اليوم بنسهر اوك صح عندي فلم حلو ولازم وياالفلم اكيد لازم شي خرابيطنا ونحنا الحين ملانات فبتصل ف احمد بقردنه خليه يودينا الجمعيه نتشرا
الريم : هييه كشخه
ميره : بيوافق ؟؟
هند : ماعليه امول بتقردنه
امل : اوكي يلا بنسير برع وريمو عطيني مباايلج بتصل فيه
وسرنا برع واتصلت
احمد : مرحبااااا
امل : هلا والله هلا باغلى اخو ف الدنيا مراحب
احمد : لا لا هالترحيب اكيد وراه شي شو تبين قوليلي
امل :انت اخوي وحبيبي وكل شي ف دنيتي انت الغاالي وانا اختك حبيبتك وقلبك ...
احمد يقاطعها : يلا خلصي شو تبين قولي بسرعه
امل : تعرف انت يعني همممم
احمد: يلا عااااااااد قولي ولا تراني ببند ف ويهج..
امل : اوك خلاص بقول الصراحه البناات يبون يسيرون الجمعيه
وماحسيت الا ميره تقرصني
امل : اااااااااااااي ياحماره
ميره : جب عيل البنات
امل : اسكتي خلني ارمس
امل : ها احمد شو قلت
احمد : البنات عيل
امل : هي هي هيه ترا انا والبنات واحد
احمد: اوك يلا بسرعه خمس دقايق ولا تراني مابوديكم
امل : اوك خلاص باي
سويت عمري معصبه وزعلانه ابا اقص ع البنات
الريم : ها شو قال
امل : ماشي
هند : كيف يعني بنسير ولا
امل وانا اصااارخ : اااا اقص عليكم يلا بسرعه خمس دقايق ويبانا فالسياره
ويلسنا نربع نسير نلبس عبينا

.................................................. ...........


المكان : بيت يدوه
الساعه: 5:22 العصر
احمد
.................................................. ...............بنتدت الفون وجفت حميد يطالعني
احمد : انا الحين بطلع اوك
حميد : وين بتسير
احمد : بسير بودي البنات الجمعيه
حميد : اهااااا
احمد : تعال ويايه ؟
حميد : لا فضيحه
احمد: لا عادي حد غريب حتى ميره ويانا بعد
حميد : اممم اوكي عيل
وطلعنا وركبنااا السياره نتريا البنات
.................................................. ...............
المكان : بيت يدوه
الساعه : 5:25
الريم
.................................................. ...............
طلعنا انا واملوو نترابع عسب منوو ايلس جدام هع
امل : يلا جب انا بيلس
االريم: يجبج انا اكبر
وسرت عنها اربع بطلت باب السياره جدام ولا اجوف وااحد جدامي يلست دقيقه اطالعه لين استوعبت الموضوع وبندت الباب بسرعه وسرت صوب املو
امل : ههههههه تستاهلين محد قالج رابعي جنج عنز
الريم: جب جب يعلني اجوف فيج يوم
طالعتني بنظره وسارت عني وعقب يو بنات عمي وسرنا السياااره
.................................................. ...............
المكان : سياره احمد
الساعه : 5:23
احمد
.................................................. ...............
كنت قافط من هاي ريمو حشى دفشه فضحتنا ف الريال عقب بهزبها
احمد : هههه هاي هبله
حميد : ههه حليلها ماتدري اني جدام
احمد : تلقاهم كنو يتظاربون ع المكان هع
حميد : منو هاي امل ولا ريم
احمد : لا هاي الريم
حميد :اهااااا كم عمرها الحين
احمد : 20
حميد: هيه ماشاء الله العمر كله انشاء الله وامل كم عمرها
احمد: امل 16 بدش 17
حميد : هيه ماشاء الله الايام تركض اذكرهم يوم كانو يهال
وشوي دخلت امول السياره
امل :السلااااااااااااااااااااام عليكم
ردينا : عليكم السلام
امل : شحااااااااااالك ولد عمي ؟
حميد : بخير ربي يسلمج وانتي شحالج ؟
امل : بخير ربي يعافيك
وعقب دشن البنات وسلمن وسرنا الجمعيه اتشرن لين ماشبعن ورديتهم البيت كان باجي ع الاذن ربع ساعه تقريبااااااااا....
.................................................. ..............
المكان : بيت يدوه
الساعه: 7:20
امل
.................................................. ...............
فطرنا وخلصنا ويلسنا نطالع التلفزيون وسارو الريايل ايصلون التراويح وعقب ردو ويلسنا نسولف ع الساعه عشر قلت حق ابويه يردنا البيت لان بنكمل سهرتنا فالبيت ورحنا البيت

وصلنا البيت سرت الغرفه وسحبت ويااي هند وميره خذتها ريمو دخلت وفتحت كبتي
امل : همممم شو البس شو البس اممم
هند : البسي اي شي ترتاحين فيه
امل: خلاص عيل بلبس بجامه
خذتلي بجامه جي برموده زرقا وقميص ابيض فيه دبدوب ازرق وسرت سويت شعري ذيل حصان ماكان وايد طويل وقلت خلاص بطوله احسن لاني دوم اقصه ابغي اغير ستالي مليت هممم وسويت بف ف قصتي واتعطرت وطلعت حق هند جفتها ترمس ف الفون
هند : اوكي خلي خلوف يمر همم ع الساعه وحده
امل : لا لا بااتي عندنا بليز
هند : لا لا امي ماطيع
امل خذت عنها الفون ورمست
امل: هلا خالو
ام هند : هلا امول
امل: خالوو بليز خلي هند تبااات بيتنا
ام هند : لالا شو تبات عيب
امل : خاالوووه شو عيب عادي بيت عمها ومافي حد بتم ف غرفتيه
ام هند: عيب تثقل عليكمـ ...
امل : لا عيب ولا شي وعادي انا بعطيها من ثيابي ولا ثياب ريموو بليز خالوو عادي واكوه البيت فره حصاه مب من بعده
ام هند : هممم خلاص عيل هب مشكله
امل : مشكوووره خالوووووووووو
ام هند:العفوو ويلا فمان الله
امل: مع السلامه
بندت عنها ولفيت ع هند وانا ابتسم
هند : والله انج قدعه
امل : هييه عيل شو تتحرين هع
هند : ههه عن تصدقين عمرج بس
امل : يحقلي ويلا قومي غيري ثيابج
هند : انزيين شو البس انتي طلعيلي
امل : هكوو الكبت خذي الي تبينه
هند : اممم اوك نحنا وين بنيلس
امل : بنيلس ف الصاله الي فوق
هند : اوكي عيل بلبس جلابيه
سارت خذتلها جلابيه وشيله صلاه لان احمد يمكن ف اي وقت اي

.................................................. ...........
المكان : بيت بو احمد
الساعه : 11 الا ربع
الريم
.................................................. ..........
دخلت غرفتي وميره ويايه كنت ابا اسألها عن محمد
الريم : اقول ميروه شحاله محمد ؟
ميره : الحمدالله بخير امس مطرشلي رساله يقول انه سوا العمليه وبيرجع البلاد قريب
الريم: الحمدالله الله يرجعه بالسلامه
ميره : اآمين يارب
الريم : عيل انا بغير ثياااابي
ميره : خذي راحتج
دخلت الدرستغ مكان الكبت نحنا ف البيت كلنا نفس تصميم الغرف وطلعتلي بجامه ورديه ورفعت شعري بتوكه وطلعت
الريم : اقول ميره ماتبين تغيرين ثيابج ؟
ميره : هممم اوك بلس جلابيه من ثيابج
الريم : خذي راحتج بطلع الفلم
ميره سارت وغيرت ثيابها وانا طلعت فلم وعقب طلعنا سرت الصاله جفت ان مشغلين التلفزيون ومسكرين الليتاات وحاطين مواسد ع الارض لان يوم نتابع افلام دايما نيلس تحت بس ماجفت قوم امل شويه دشت امل وفي ايدها صينيه وفيها كيك وعصيره وبوب كورن وسارت يايت جيس الجمعيه ويلسنا ع الارض
امل : اقوووووولكم ترا هند بتبااات بيتنا
الريم : والله كشخه
هند :احم احم امول رمست امي ووافقت
امل : اقول ميره انتي بعد تمي
ميره: لا امي مابتوافق
امل : خلاص عطيني انا برمسهم << عيبتها السالفه
ميره : اممم اوك
اتصلت ميره ف امها وعطت امل
ام ميره : الوو
امل : هلاا والله
ام ميره : هلا امول
امل : شحالج خالو ؟
ام ميره : بخير حبيبتي وانتي
امل : الحمدالله هممم خالو طلبتج
ام ميره : اذا قدرت فالج طيب
امل : ان شاء الله تقدرين خلي ميره تبات ف بيتنا ؟
ام ميره : لا حبيبتي ماقدر
امل : حرام خالو عشان خاطري
ام ميره : ماودي اردج بس باجر بنسير الذيذ بنفطر هناك ولا زم تي
امل : عادي خالو انتو بتسيرون الظهر وخلي حد يمر عليها الصبح هب مشكله
ام ميره : هممم خلاص اوك مابردج بخلي حميد يمر عليها بعد صلاة الظهر خل تتجهز
امل : اوك مشكوووووره خالوتي
ام ميره : العفو حبيبتي مع السلامه
امل : مع السلامه..
بندت امل الفون وفرته ع الغنفاات
ميره : واافقت ؟؟
امل : الشيخه امل رمستها وتبينها ترفض
هند : ياله عاد مانرووم
الريم : الله كشششخهـ ...
هند : هيه والله يلا شغلو الفلم ..
يسلنا نطالع الفلم وف نص الفلم
ميره : وفقو الفلم شويه خل نستريح
امل : اوك
وسارت وفقته شويه
هند: يلا الي يبا يسير الحمام ولا ياكل ولا اي شي يسير
كل واحد سار المكان الي يبااه وعقب ردينا الصااله ويلسنا وشغلنا الفلم يلسنا نطاالع

.................................................. ...............
المكان : بيت بو احمد
الساعه : 1: ونص
امل
.................................................. .............
توه خلص الفلم يلست اتمدد
امل : اخخ مابغى يخلص
ميره : بس كان حلوو
الريم : هيه نايسوؤ
هند : هممممم الحين شو بنسوي
امل : خل نلعب اونوو
الريم : صبرو بسير ايييب الاونوو
سارت ريمو تيييب الاونووو
هند : اقول امول عندج قصص حلوه ؟
امل : هيييييه عندي واايد الي تبينه هع
ميره : اقولج امول قريت قصه سعووديه طرر
امل : خلاص عقب باخذ اسمها عنج
هند : انا ابا اماراتيه بس ابغي فيها زواج اجباري
امل : تم الساع بعدين يوم بنسير الغرفه بخزلج كم قصه
هند : اوك
شويه ويت ريمو
الريم : ها يبتلكم الاونووو
ميره : تأخرتي ؟
الريم : يلست ادورها وماعرف شو
وعقب شلت هند الاونو ويلست توزع علينا
ونحنا نلعب جان ريمو تفر ااورااقااااها
الريم : خلااص مابي العب انا يوعااانه
هند : ياحماره ليش تخربين
الريم : بس مابي
امل : انزين خل نطلب من الكفتيريا
الريم : اوك شو تبووون
خذت ريمو طلباتنا وسارت اتصلت ف االكفتيريا
امل : افف ملل الحين شو نسوي
ميره : هيه والله
الريم : هممممم
هند : خل نستهبل ع حـد ...
ميره : منووو مثلا
الريم : هييييه كشخه شرايكم نستهبل ع احمدووو
امل : هييه صح بنتصله من فون ميروه هوه مايعرف الرقمـ .
ميره : اوك منوو بيرمس
الريم : انا وامول مايستوي نرمسه بيعرف اصواتناآ
هند : حتى انا يعرف صوتي ..
امل : يعني ماشي الا ميره
ميره: لا لا استحي
امل : عااادي ليش تستحين
الريم : بعد ليش تستحين عادي
ميره : اوك خلاص
هند : حطي ع الاسبيكر
.................................................. ...............
المكان : جميرآ
الساعه : 2 الفجر
احمد
.................................................. ...............
كنت توني طالع من الكوفي ساير السياره سمعت فوني يرن جفت رقم غريب فالبدايه قلت مغلطين وبس عقب جفتهم كل شويه يردون يتصلون قلت خلني ارد يمكن يزوي مع اني ماتوقع هالوقت تتصل ركبت سيارتي وشغلتها ورديت
احمد : مرحبا
ردت عليه بنت استغربت صوتها بس حسيته مألوف
البنت : مراااحب
احمد : منو وياايه
البنت بدلع: شحالك حمودي ؟
احمد : بخير بس منوو وياايه ؟
البنت : افا ماتبااا تسـأل عن اخبااااري
احمد : هممممم بغيتي منو الشيخه ؟
البنت بدلع : بغييتك انت ؟
احمد : لوسمحتي مب متفيج حق السخافه قووولي بسرعه منو
البنت : افاااا الغالي نسيت صووتي ..
افف والله تقهر منو هاي شكلها تعرفني ...
احمد : الشيخه قولي بسرعه شو تبين لاني هب فاضي
البنت : اباااك اقولك اباك
احمد : اففففففف قولي انتي منو ولا والله ببند ف ويهج
البنت : ليش تبا تعرف
احمد عصب : يعني ارمس حد ماعرفه شو هالسخافه
البنت : خلاص خلاص لاتعصب
سمعت صوت هب غريب عليه : افااا ليش معصب ترا مايسوى عليك
احمد : املوووووووووووو
امل :هلا والله بحمودي اسمحلنا ع المقلب تعيش وتاكل غيرها حبي
احمد : ياحماره انتي ومنووووووووو سويتي هالمقلب ؟؟ ومنو هاي الي رمستني
امل : نحنا وبنات عمي
احمد : منووو الي رمستني
امل : هاي الله يسلمك بنت عمي ميره
احمد : اهاا وانا اقول الصوت هب غريب بس دواكم عندي
الريم:حبيبي حمودي طلبتك
احمد : انتو حاطين ع الاسبيك
امل : هيه حموود طلبناك
احمد :ولج ويه بعد تطلبين يالعنز
هند : العنز حرمتك
امل : فديت هنوود والله تدافع عني
احمد : هنود انتي بعد وياهم انا قلت كبيره وعاقله
هند : خخ نسترجع اياام الطفوله
احمد : من كبرج يالعيوز
هند : خخخ احترم الي اكبر عنك
ميره : يالله الا هيه سنه
احمد يتمصخر ويعيب : ونطق الحجر ابااااااااااااك خخخخخخ
عاد سمعت اصواااتهم يضحكون وسمعتها سكتت شكلها استحت
امل : يلا انت شكلك عيبتك السالفه خسرت البنت رصيد
احمد : محد ظربكم ع ايدكم وقالكم اسيخفوو
امل : انت وين الحين
احمد : والله انا ف الدرب
امل : فدييييتك مر باسكن ايبلنا اسكريم
احمد: هب متفيجلكم ...
امل : اقول يلا باي الكفتيريـآ يأ
احمد : باي واتحملي لاتتطلعيييله
امل : اوك باي
.................................................. ...............
المكان : بيت بو احمد
الساعه : 2:22 الفجر
ميره
.................................................. ...............
افف كنت مقهووره من احمد يعني ليش يعيب عليه افف فشلني جدامهم افف كنت انافخ من القهر
امل : ميرو تعالي ويااي بنسير نفتح الباب
ميره اوك
وسرت وياها ونحا الي فتحنا الباب لان الخدامه راقده وعبود محد ف بيت خالهم ..... طبعا من ورا الباب كنا عطيناه البيزات وقتلنالهم يخلي الطلبيه عند الباب ويروح ويوم سمعناه روح فتحنا الباب شويه ومدت املو ايدها وشلت الاكل وسرنا فوق
ويلسنا ناكل وعقب انا سرت ويا ريم الغرفه وهند وياامل
الريم : هييه صح ريمو نسيت اقولج شي مهم
ميره : شو ؟
الريم : اليووم جفت حميد ..
ميره : احلفي ؟
الريم : والله خخخخخ
ميره : وين جفتيه ؟
الريم : اليوم بيت يدوه كنت سايره اسوي شي جني كنت ارمس ف الفون انزين ويوم لفيت جفته واقف يطالعني عاد انا بهت وعقب انا شردت
ميره : خخخخخخخخخخخخخ اتخيل اشكالكم تتوقعينه عرفج ؟
الريم : اظني لان ف نفس الوقت هندو زقرتني وشكله عرفني بعد لان يوم نحنا سايرن السياره فتحت الباب الي جدام ماكنت ادري انه موجود وجافني اكيد عرفني
ميره : خخخخخخخخخخـ وااه فديت محمد
جان تفلعني بالموسده
الريم : ارمسج عن حميد تتفدين محمد
ميره : ههه انزين شو اسويلج
.................................................. ...............
المكان : بيت بو احمد
الساعه : 2:40
امل
.................................................. ...............
دخلت الغرفه انا وهندو
امل: هند اذا تبين تغيرين ثيابج عادي سيري كبتي خذي الي تبين
هند : اوك خلاص انا بسير اغير
امل :خذي راحتج
سرت بطلت اللاب جان اسمع صوت برع قلت اكيد حمود يأ بسيرله سرت برع جفته يشرب ماي
امل : شو تسوي
احمد : ماشي انتي لين الحين مارقدتي ؟
امل : لا مارقدت الحين بعد شويه برقد انت تسحرت ؟
احمد : هيه
امل : اممممم احمد شحال الياازيه ؟
احمد : بخير الحمدالله امسات مرمسنها
امل: زين زين انا الحين بسير ارقد ترا بنات عمي عندنا
احمد : اوك خلاص تصبحين ع خير
امل : وانت من اهله
وسرت عنه دخلت الغرفه جفت هند يالسه ع الاب ويلست اسولف وياها شويه وعقب رقدنا



نهـأ‘يـه الباآأ‘رت..


رأإيكمــ يهمنـي .؟

توقعـآتكم .؟=)