عشآآقــ ,,منـ زمنــ آخر,, }} <<

السلام عليكم ..جميعا ..

اقدم تحياتي بالبدايه ..ع كل الاعضاء مصبايا و من شباب
..
ابي نقدكم لي بشكل حلوو.. غير جارح ...

أختكم .. al3thab:)

سلام عليكم و رحمه الله و بركاته ..
اما بعد ..
{ لكل نجاح استمرار ..}
هي الكلمات التي توصف ما سأقوم به و توصف سعادتي .. انا اتكلم بالنيابة عنا .. نحن من اتينا اليكم بمشاعر خيالنا و حقيقة واقعنا .. حكايا نسجنها سويا للننثرها بين يديكم .. بين ايدي تحب ان ترأ و تتطلع .. لتعيشوا معنا حكاياهم وواقعهم و حياتهم معنا لحظة تلوى الاخرى .. لتتعايشوا معهم بحق .. لتروا كيف يكون مفهومنا نحن بالحب .. التضحيه .. الخيانه .. الم .. العشق .. الحنين .. الوفاء .. الشوق .. الخ ...
و غيرها من المشاعر التي تخرج من القلوب الصافيه التي لا تعرف فيها شيء من الحقد او الكره او الانتقام ..
ارواح تخالطت فيها مشاعر الصدق الصدق فحسب ..
لن اطل عليكم بالحديث .. توقف قلمي عند روايتي الاولى ..
% الحب الخالد %
تلك الرواية التي جف قلمي في نهاية مطافها .. لكنها لم تكن الاخيرة لي .. كانت احدى المحاولات التي اذهلتني بنجاحها و انتشارها و الحديث عنها في كل مكان .. هذا ما دفعني ان اعود لتعبئة حبري من جديد لأكتب لكم شيء يلامس فيكم ارواحكم و يداعب خواطركم ..
هنا سأهديكم روايتي الجديده بكل حب و اخلاص مني لكم ..
لتتعايشوا معها و تعطوها من نقدكم الجميل و الغير جارح و هذا ما اتمانه منكم .
ولتنتقوا منها شخصيات تلامس منكم شخصياتكم ..
و لكم هديتي المتواضعهــ .. % عشاق من زمن آخر % ...
تقبلواا تحياتنا .. : brensisah & na3ooomh
اقدم تحياتي لمن شاركتنا في افكارها و ابداعتها .. : .bnoootah
ملاحظه بسيطة ..: (( لمن لا تعجبه جرائتي و كتاباتي .. ان لا يقرأ و لو حرف واحد منها ))
.................................................. .....
.. الشخصيات ..
ابو خالد ..: هو كبير العايله اللي معروووفه بالثراء الكبير و اللي عندها الفلوس مثل التراب من شدة غناها .. و مع ذلك فهو يتميز بالحكمه و التواضع انسان محترم جدا .. ينحلف براسه ..
ام خالد ..: انسانه حكيمه واعيه و له مكانتها بالعايله معروووف عن اهلها الثراء الشديد و انها متعوده ع الغنى و مع ذلك مالها في الغرور ابدا .. تحترم زوجها كثير ..
** خالد **
31 سنه مطلق زوجته من اسبوع بس و عنده بنوته اسمها **اثير** عمرها 6 سنوات .. سبب طلاقه هو الحادث اللي حصل له وسبب له شلل جزئي بسيط ممكن يتعالج منه .. معروف عن شخصيته الاستقلاليه بكل شيء و ما يحب احد يدخل باموره الخاصه مثل ما يحب يدخل بخصوصيات احد ..
** بدر **
22 سنه شخصيته عصبي و غيوووور بقوووه ع اللي يعرف و اللي ما يعرف يخاف ع اهله و سمعته و شخصيته مميزة بقوه .. ام شكله فهو وسيم بالمره .. و جماله مميز يناسب شخصيته ..
** نايف **
19 سنه انسان رايق و دايم الضحكه ع شفاته و شيء غريب اذا لقاه حد متنرفز او مزاجه معفوس .. مع كذا يملك من الرومانسيه شيء كبير لكنه يخفيها .. طبعا انيق جميل بقوه و تميزه طوله و شعره اللي ناعم و لحد نهاية رقبته بشكل كيوت و مرتب ..و جسمه المتناسق .. و ينظرب بجماله المثل ..
** آلاء **
16سنه بنوته مررره مغروره و دلوعه ومستحيل تلاقي مثل جمالها ورقتها .. بنوته مزوحه و رومانسيه بشكل قوي .. و مدلله عند الكل لتميز شخصيتها ..

وعنيده مع شخص واحد نايف اخوها .. بس .. و مع ذلك طيبتها تاخذ من شخصيتها اكثر من أي شيء ثاني .. مو دايم تقدر تاخذ حقها .. يعني ع ماقد هي مغروره بس قوتها محدوده مع الغريب .. بس نايف تقدر تاخذ حقها منه ..


** حسن و حسين **


10 سنوات تؤم و اخر العنقود .. مدللين و مررررره فله ..


ــــــــ ****** ــــــــ


ام عبد العزيز ..: ارمله .. و عندها حنونه بس صارمه في ارائها و بالنسبه لها انها الانسانه الوحيده اللي تعرف مصلحتهم ..


** منى **


25 سنه مطلقه .... لها حسابات مختلفه تماما عن الكل دايما تفكيرها هادي و عقلاني .. و حساسه و ترتسم ع وجها الابتسامه الحزينه بشكل كبير ..


** رنى **


17 سنه بنوته حبابه مررره .. و ناعمه كثير .. قريبه من الكل .. بس رومانسيه و خياليه بالمره و تحب مسفر ولد خالها ..


** اسيل **


16سنه .. بنوته هاديه مثقفه دايم تحب تتفلسف و تكون اكبر من عمرها بكلامها و اسلوبها .. و هي الفيلسوفه بينهم .. تبرز شخصية دوووم القريبه من ريم بشكل حلوو من العلاقه الحميمه و التشابه بالشخصيه .. جميله.. و فنانه بالرسم مثل عمها تركي .. و مع ذلك فيها رجه و هبال بقوووه ..


ـــــ ******ـــــ


ابو متعب ...: انسان راضي بقسمة و نصيبه تزوج و جاب متعب و بعدها توفت زوجته و تزوج مره ثانيه و جاب 3 بنات كان مؤمن بقضاء ربه وقدره .. انسان وقور و له املاكه ..


ام مريم ..: مرته الثانيه انسانه حقوده من ناحية متعب ما تحبه و لا تحترمه و تحاول دووم تقلل من شأنه قدام خواته .. و مع كذا تعشق بناتها و تحب الكل عدا متعب ..


** متعب **


25سنه انسان حباب بقووه و حنون معروف عنه الهدوء و الكلام الرزين تربيه عمته نوره .. يحبها مثل امه و ع كل اللي تسويه فيه مرت ابوه يحترمها و ما ينادها الا يمه ... و خواته يحبوه لحنانه و طيبة قلبه و هم قراب منه و بالخصوص اسراء .. و يتميز بملامحه الحلوه و الجذابه ..


** مريم **


21 سنه بنوته رهيبه لها اسلوب جميل و تحب الكل و تخاف ع الكل قلبها كبير .. و يحس باللي حواليها .. اللي يحتاجها يلقاها .. حبابه بقووه و تحترم اخوها و تحب حب صامت .. مسفر ولد عمها ...


** اسراء **


16سنه هذي دلوعة متعب و ابوها .. قريبه منهم اثنينهم غرورها كبير بأشياء تستاهل انها تنغر ... جميله و ناعمه بقووووه .. نكوتيه و عصبيه ..



** غزل **


6سنوات .. الدلوعه و اللي الغرور مالها و تحب تكون متسلطه دايم .. و تكون الرئيسه بكل شيء تسويه و السبب هو الثقه بالنفس .. كيوت و حلوه ..


ـــــ ****** ـــــ


ام لافي ..: نوره العمه المميزه و الكبيره و العاقله و الي ربت نص اعيال العيله لعدم انجابها بداية زواجها و بعد فترة مو شويه من زواجها انجبت عن طريق الانابيب ولد و بنت .. تحب زوجها بشكل يخليك تحبها و تقدرها عن جد ..


ابو لافي ..: يوسف .. يكون اخو ام خالد .. انسان يحب زوجته و يحترمها لانه مستحملتنه ع المرض اللي فيه و عايشه معه السنين من دون أي تذمر انسان حباب و وقور و مربي مع زوجته اقلب عيال اخوانها ..


** لافي **


19سنه انسان حباب و روووووووومانسي .. و مع كذا عليه خفت دم يحب اخته بقووووه و يحاول تكون علاقتهم قويه .. و صديقه المقرب هو نايف .. صوته حلو .. يحب آلاء من هم صغار .. معروف عن شكله كيوت مرره و عيونه اللي تتميز بحده رسمتها .. و جسمه فضيـــــــــــــــع .. وو انه كتووووم لابعد حد ..


** سيدرا **


16سنه مدلعه و مغروووره و واثقه من نفسها بشكل قوي و معروف عنها الكبرياء و اللي يزعلها او يغلط عليها .. مستحيل تسامحه بالساهل .. و دايم تدعم الكل و معروف ذاكئها و.. جميـــــــــــــــــــله و تشبه امها بقووه جسم و لا اروع يعني ملامح انوثتها بارزه بشكل يفتن عكس جسم آلاء الناعم بالمررره .. و صديقة المقربه لآلاء .. و عندهم شلتهم .. anjely ( (


ــــ ****** ـــــ


ابو مسفر ..: متوفي من سنين ..

ام مسفر ام متسلطه لابعد حد .. يعني اللي تبيه هو اللي تسويه بخصوص اعيالها .. و اللي يعصاها مشكله كبيره .. بالنسبه له .. لان زعلها قوي .. و خاصه ع ولدها الوحيد ..
** مسفر **
28سنه يدرس برى مع عمه ناصر .. حباب و نكوتي بس شخصيته حساسه و رومانسيه و اغلاطه دايم تقف في وجه و دايم شاغله افكاره .. كيوووت في شكله مهتم بنفسه كثير ..
** عبد الله **
18سنه جريء بقوه مو طبيعيه .. يحب البنات و ما عنده احترام لاحد ابد .. كل شيء يسويه و أي شيء يخطر ببالك .. اللسانه طويل و ما يضيع حقه .. من افراد شلة )) frist crazy (( بعدين تعرفون افرادها ..
** ركان **
10 سنوات .. حباب و من تبع شلة ))يوغي يو(( للبزران بالعيله بتتعرف ع افرادها بعدين ..
** حور **
6 سنوات قريبه من غزل و تختلف شخصياتهم من تبع شلة )) يوغي يو ((
ـــــــ ******ــــــ
** تركي ** متوفي من 4سنين تقريبا .. و وفاته اثرت كثير ع العائله ..
ـــ ******ــــ
** ناصر **
28سنه انسان فله بمعنى الكلمه حتى اللي ما يعرفه يحبه لخفة دمه و جاذبيته .. و انسان مميز من جد .. يحب الضحك و التنكيت بقووه و هو قريب من سعود و مسفر .. و يموت بامه نوره اللي هي اخته و اللي مربيتنه .. يحبها بقووه ..
ــــــــ***ـــــــ
********************
العائله الثانيه .. (( عائله ابو حمد ..))
الجد ..: عبد الطيف .. انسان كبير بالسن .. لكن ما حد من عيلته فلت منه .. و من تسلطته .. شخصيته قويه و يفرض راسه ع كل عائلته .. و بعدين بتعرفون كيف ..
ابو ابراهيم ..:: حمد .. الولد الكبير .. و يد ابوه اليمين ..
ام براهيم ..: الغيره تجري بدمها .. نقدر نقول مو منها .. بس من البيت او المجتمع اللي عايشه فيه .. و هي حنونه بالمره ع عيالها ..
ابراهيم ..:: 26 سنه .. مهندس توه راجع من برى و مخلص دراسته .. من يوم يومه معترض ع كل شيء .. بالاحرى حياتهم او طريقت جده و اسلوبه .. مع انه يشبه جده لابعد حد .. و ع قد ما يبغض جده ع قد ما جده يحبه .. شخصيته حلووه و هو احلى لانه يشوف الكل خواته و كل بنات عمه يستظرفوه و يحبوه ما فيه بنهم و بين بعض أي حواجز .. .. تتعرفون عليها بعدين ..
الجوهره ..:: 24 سنه البنت الاولى من الاحفاد و اعزهم لدرجه كبيره .. بنت عمليه و ما للحب مكان بقلبها .. حنونه بس يمكن عمليتها ما تعطي فرصه انها تظهر هالحنان .. مع اخوانها .. حبيبت الجد و الوحيده اللي تفهمه و تقدر عليه ..
الهنوف ..:: 16 سنه .. دلوعة امها و ابوها .. بس مو جدها .. بينها و بين جدها حزازيات كثير .. ما تحبه و تفكر دوم انه ما يحبها .. بسبب اسلوبه معاها .. بنفس الوقت البنت الحبابه و الطيوبه .. بينها و بين الجوهره خلافات كثير و ما فيه أي تفاهم .. ما بنهم حبيبها برهوم اخوها ..
ابو طارق ...:: فارس الولد الثاني .. المطيع كل الاطاعه .. لابوه مثله مثل الباقي ..
ام طارق ..::خلود .. فاقده لكلمة الحنان .. انسانه عمليه لابعد الحدود .. و كل شيء عندها مصالح .. و مظاهر و هذا اهم شيء .. لانها من عيله من افخم عوائل السعوديه .. مركز اجتماعي ..
طارق ...:: 28سنه .. حباب و حنون و رومانسي ... بس هادي لابعد حد .. ما تفهمه و ممكن تظن انه غامض بعض الاحيان .. بس مع ذلك يحب خواته و يحس فيهم .. بس بالاغلب ماله أي سلطه ع شيء ..
البندري ..:: 17 سنه جت بعد سنوات طويله من الانتظار من امها و ابوها .. هي اجمل بناات العائليه .. و احلاهم في كل شيء .. رزينه نوعا ما .. بس مع ذلك فيها شويت مرح و مزح مع ناس معينين .. يعني هي من الناس اللي لها نظره معينه .. من خلالها تحدد اسلوبها مع الناس .. حبابه و بنوته رومانسيه و حساسه بس قويه قدام الكل ..
هبه ..:: 16 سنه .. بنوته مهبوله و اخر خوانها .. حبوبه و عليها خفت دم مو طبيعيه .. تبي تعيش حياتها بالطول و العرض .. يعني مو هامها حد .. متفوخه شويه بس ع حلات .. حلوه بس البندري احلى بكثير .. همها هو متى تتزوج و تطلع من البيت اللي عايشه فيه ..
جنى ...:: 24 سنه ارمله .. توفى زوجها بفترت ملكتهم بعد سنه كامله .. خالتهم و عايشه في الشرقيه .. بس علاقتهم مرررره قويه .. كل اسرارهم مع بعض .. حبابه و حنونه ..
علي ..:: 25 سنه .. خالهم الصغير .. يحبوه و يموت فيه لانه يستاهل .. حباب و حنون .. انسان عليه اكشنات كثير قريب منهم كثير .. هم هو بالشرقيه مع اخته ..

ابو مقداد ..:: محمد .. اولد الثالث .. ما تختلف شخصيته عن باقي خوانه ..
ام مقداد .. :: انسانه عفويه و حنونه و اسلوبها حلو مع الكل ..
رهام...:: الكبيره متزوجه و عندها ولدين .. و مسافره مع زوجها بالفرنسا عشان دراسته ..
رهام ليلى ....:: 24 سنه .. توها مخلصه جامعه و راجعه من برى .. و عايشه حيات عمليه .. مثل الجوهره .. و هي صديقتها المقربه ..
هيام ...: عمرها 19 سنه .. شايفه نفسها و اسلوبها مغرور مثل البقيه .. و تستحقر أي شخص ما تحبه ... تحكم ع الناس بسرعه ..
مقداد ...:: الولد المدلل .. ما احد يقدر يسأله وينك و الا رايح وين او جاي من وين .. مدلع و مدلل لابعد حد .. واحد من الشخصيات الحلو .. و العوبه و عايش حياته بالطول و العرض و ما فيه احد مثله ..
ابو احمد ...:: راشد .. الولد الرابع .. هم شخصيته مثل باقي شخصيات خوانه ..
ام احمد ..:: انسانه مغروره و ما فيه احد بهالدنيا يعجبها .. بس علاقتها باللي بالبيت عاديه و اقل من سطحيه .. و ما عنها الا احمد وحيدها و حبيبها ..
احمد ...:: 22 سنه .. انسان هادي و حباب .. رومانسي و يحب الهنوف بنت عمه و ما فيه حد بباله غيرها .. مو راعي لعب بالعكس شخصيته رزينه نوعا ما ...
جاسم ...:: ابو شجون .. توفى من سنين طويله .. وقصته قصه لها اول من تالي .. لانه عصى ابوه و طلع من شوره ..
شعيب ...: الولد الصغير و الاخير بالعايله .. شخصيته عاديه جدا .. بس جذابه ..
شجون ...::: 17 سنه .. بنت جاسم .. الولد اللي طلع من شور ابوه .. و انطرد من البيت .. و تزوج و انجب .. شجون و ما طول بالهالدنيا .. و بعد سنين طويله يوم صار عمر شجنون 15 سنه .. قرر الجد يعرفها ع اهلها و مجتمعها .. و صار لها بهالعايله سنتين بس ..
........
سعود .. :: 28 سنه .. الصديق المقرب لناصر .. انسان حبوب .. و رومانسي .. و الا حب يحب ن قلب .. حنون بالمره ..بس عصبي لابعد حد .. و اذا عصب يكسر كل شيء قدامه .. يتتعرفون عليه اكثر بالقصه .. دكتور نفسي ..
مها .. :: 17 سنه ... صديقت البندري المقربه .. و هي سبب غيرت هبه .. اللي تغار ع اختها منها .. حبوبه و رومانسيه .. و شخصيتها بالمره حلو .. تحب البندري مثل اختها و اعز .. لانها وحيده امها و ابوها ..
سعد ...:: 17 سنه .. اممم .. مدري وش احكي عنه .. بس انا من راي تتعرفون عليه بعدين .. هو اخو سليمان صديق نايف ..
.................................................. ....
.. البارت الاول ..
............................................
كانت قاعده لوحدها و ع سريرها و ماسكه احدى روايات رومانسيه .. و اثناء ماهي قاعده انطق الباب ..
مريم بصوت ناعم و هادي ..: تفضل ..
دخلت و هي مرتبكه عيونها متورمه و حمراء وقفت عند الباب بعد ما سكرته .. مريم رفعت راسها و شافت اختها اسراء .. و شكلها اللي بث الخوف و القلق في نفس مريم .. : اسراء ..؟ حبيبه وش فيك ...؟ تعالي (( و هي تأشر لها بيدها )) .. اقربي ..؟
اسراء تقدمت بخطوات متثاقله و جلست ع طرف السرير كانت منزله راسها مريم قربت منها و اسراء رفعت راسها لاختها .. و اول ما طاحت عينها بعين اختها نزلت دموعها رمت نفسها بحضن مريم وضمتها بقوووه و صارت تبكي و تشهق بطريقه غريبه و مخيفه .. مريم بقلق و هي تمسح ع راس اختها ..: هدي هدي .. وش فيك يا قلبي .. منو اللي مزعلك ..؟
اسراء ما كانت ترد تبكي و تقوي ضمتها لاختها .. مريم بتسأول اكثر .. : طيب ماما مزعلتك .. متعب .. حد ضاربك من العيال .. ؟
رفعت راسها و هزت بمعنى النفي .. مريم بنرفزة بسيطه ..: اسراء من جد اقلقتيني .. وش فيك منو اللي مخليك تبكين كذا .. من جد خوفتيني ..
اسراء مسحت دموعها .. وقالت بصوت مبحوح ..: الحين اللي يسوي شيء غلط .. و هو مو قصده و غصب عنه و هو ما يدري انه غلط .. الله يسامحه ..؟
مريم باستغراب ..: ع حسب الشيء اللي هو مسويه .. انتي مسويه شيء ..؟
اسراء .. رجعت دموعها تنزل ع خدها.. و الحروف رافضه تطلع من فمها ..: .........
مريم بهدوووء حلوو .. : قولي و لا تخافي من شيء .. تأكدي انو اللي بيني و بينك .. هو بيني و بينك .. يعني ما فيه مخلوووق بيدري عنه ..

اسراء بابتسامه باهته من بين دموعها ..: بقولك بس .. لا تزعلي مني .. (( بعد فترة صمت دامت للحظات )) .. تعرفين مسفر ولد عمي ..؟
مريم من جا طاري اسمه .. دق قلبها باحساس غريب .. : ايه وش فيه ..؟
اسراء .. و هي تمسح دموعها ..: انو امس بالليل يوم كنا بيت عمي ابو خالد .. ناداني .. (( بتسكت ..)) .....
مريم تناظر فيها بنظرات اضطراب ..: طب .. ؟!
اسراء ... بارتباك ..: دخلنا الملحق اللي ورى بالحوش عرفيته ؟.
مريم بحث ع الكلام .. و قلبها يدق بقوه خياليه .. و الدموع تتجتمع بعيونها ..: ايه ايه .. وبعدين ..؟
اسراء بحيا ..: ضمني و قالي ابوسه ..
مريم شهقت بقووه و حطت يدها فم اسراء ...: اوووش .. بس اسكتي ..
(( حاولت تتمالك نفسها و تهدي اعصابها .. المفروض انها توجهاو ما تفقد اعصابها سكتت لفتره )) .. و قالت ..: اسمعيني .. اللي صار هذا حراااااام .. و عيب و المفروض انك ما تسمعين كلام أي احد .. حتى لو كان ولد عمك .. (( حست بغصه )) .. و اوعديني انو الشيء مستحيل انه يتكرر ... و ما فيه مخلوق تقولين له هالحكي او يدري .. هذا كله بيني و بينك .. مفهوووم ..
اسراء مسحت دموعها و ابتسمت .. و هزت راسها بالاجابي .. وضمت اختها بقووه ..: اوعدك انو عمره ما يتكرر .. بس الله بيسامحني ..؟
مريم و هي ضامتها و ما زالت متماسكه و تحاول تبلع غصته و تقتل دموعها ..: انتي تروحين تتوضين و تصلين ركعتين و تدعين ربنا انه يسامحك .. و اكيد بيسامحك ..
ابعدت اسراء عن مريم بهدوء و قفت متوجه للباب بعدها رجعت بسرعه باست مريم ع خدها :: شكرا ..
و طلعت بسرعه و سكرت الباب .. تسندت ع السرير و غمضت عيونها و نزلت دموعها ع هذاك الوقت اللي كان يومها عمرها ..(( 14 سنه و هو عمره 21 سنه قبل سفره بسنه ...))
كانت الجمعه ببيتهم كانت تودي صواني الشاهي و القهوة و الحلى و تدخل و تطلع من المطبخ و هو واقف عند الباب الخارجي اللي يودي من المطبخ للحوش و يا ناظر فيها من فوق ع تحت .. و يراقبها كانت حاسه به و بنظراته و فرحانه فيهم و مبسوطه لكونها جذابه بعيونه .. همس بصوت يجذب و يدووخ ..: مريوووم ..
التفت بهدوء و هي مبتسمه ..: امر ..؟
مسفر و ابتسامته اللي ع جنب اللي كلها خبث و دنائه ...: تعالي معي شوي ..
مريم .. بسرعه و بدون تردد ..: اوكي ..
طلعت من غرفته و هي تعدل حجابها و مبتسمه بطريقه كلها فرح .. و كأنها وحده مضيعه شيء ولقته كانت تشوف هالحركه منه دلاله ع حبه لها ما كانت تدري انه مجرد لحظه و انتهت ..
رجعت ع الواقع اللي هي فيه فتحت عيونها بقهر .. بعد 3 سنين رجع و اخذ نفس الحركه من اختها .. اختها اللي ما عدت 12 سنه .. و هو اللي صار عمره 24 سنه و حركاته نفس ماهي ما تغيرت . حست بشيء يحرقها بقلبها و قهر يخنقها و يكتم عليها .. حست انفاسها تتسارع و بنفس الوقت و لا كأنها تتنفس ..
********************************
بعد اربع سنوات من هذا الموقف ..
*****************************
الساعه تقريبا 2 ونص بالليل .. كانت ليلة سبت .. و الناس وراهم دوامات
و هم و لا ع بالهم . كل وحده ماسكه جوالها و تكلم الثانيه ..
آلاء و هي حاطه الجوال ع اذنها بيد و تلعب بشعرها بيد الثانيه ..: اقوول لا تفحطي .. اخوانا مو وجه دراسه . بيقعدون يقرقرون مثلنا لحد الصبح و بعدين بنامون و بيقولون كنا نذاكر .. تتحدي ..
سيدرا بتفكير ..: مو حرام تظنين ظن السوء .. بالناس .. يمكن فعلا يذاكرون ..
آلا و هي تنط و تتربع .. : اقووول لا يكثر .. انا اعرفهم هذولا خابزتهم و عاجنتبهم بيادي .. و اذا حابة تتأكدي .. و روحي غرفة اخوك .. بتشوفين نايف ماسك البوب كورن بيده و مبطح و رافع ارجوله للجدار و يتابع فيلم .. و اخوك متربع و فاتح عيونه ع لحظه البوسه ..خخخخخخ
سيدرا ضحكت بنعومه ..: ههههههههههه تخيلي عاد شكلهم ..
الثنتين مع بعض ..: حفلـــــــــــــــــــــه ..
آلاء ..: لا تتخيلي قومي شوفي .. يالله
سيدرا و هي تقوم ..: يالله ..
آلاء ..: طلعتي من الغرفه ..؟
سيدرا..: ايه ..
آلاء .. تبي تنرفزها ..: اكيد انتي بالممر ..
سيدرا بنرفزه لانها تطالع اذا امها و ابوها صاحين او لا ..: آلاء .. سكتي ..
آلاء ..: هههههه طيب ..
سيدرا توجهت لغرفة لافي و سندت اذنها ع الباب .. و تسمع صوت طاخ و طيخ .. و اشياء غريبه .. وفتحت الباب .. بهدوووء و شكلهم مثل ما

وصفته آلاء .. و ع نفس اللقطه اللي يقرب البطل من البطله و يضمها بعدها يقرب منها عشان يبوسها .. سيدرا دخلت جو مع اللقطه .. آلاء ..: ها وش صار ..؟... سوسو . ؟؟ هي يا الخبله شفتيهم ..
سيدرا باندماج ..: امممممم ..
التفتوا الثنين ..ع الباب .. لافي .. بعصبيه ..: سيدرا وش تسوين ..؟
نايف نط و سكر الشاشه .. << ع اساس خايف يخرب البنت خخخخخ .. ام سيدرا ما تشوف الا اغبارها ..
لافي بقلق ..: يا ربي اكيد بتقول لامي الحين و بتسوي لي سالفه .. انا ليه دايم اطاوعك و اطيح فيها ..؟
نايف و هو يطلع العلكه من جيبه و يسوى فيها نوفاخه ..: عادي لا تخاف و لا هم يحزنون بزر ما تسوي شيء (( يتريق عليه )) .. و الله تخاف ..
لافي ... يقلد عليه ..: بزر ما تسوي شيء ..: اقول ورى ما تقوم تنام انت و علكتك .. قبل لا يصحا ابوي هالمره وساعتها من جد لك علووم ..
**************************
اليوم الثاني ..
طلعت و هي تدور روحها من الزحمه ..: أخ .. حشى مو اوادم مفاجيع .. ذبحوني و خربوا استايلي .. افف ..
توجهت للبنات تشوفهم يناظرون فيها و فجأ كلهم ..: هههههههههههههههههههههههههههههههههههههههههههههه .. هههههههههههههههه
اسيل .. و هي مو قادره تمسك نفسها من الضحك ..: ههههههههه شكلك .. حفــ ,, هههههههههه .. حفله ..
آلاء و هي معصبه و ترمي عليها عصيرها .. : اللوم مو عليك الوم ع اللي يشتري لك و لا ع احسابه يصير خير يا اسيل مردووده ..
سيدرا و هي تاخذ من عندها ..: ما عليك منها حبيبتي .. هي تضحك ع خيبتها انها ما تعرف تكون زيك .. بكرمك و جمالك ..
آلاء بدلع ..: ايه من الحره وش نقول يا دافع البلى .. دنوا خلوني اقعد ..
اسيل بقهر ..: يا زفووت يصير خير ..
آلاء ..: يؤيؤ .. هي اللي تغلط و هي اللي تزعل
هبه..: خلاص لا تتهاوشون الفطور بكره ع اسيل ..
اسيل ..: من هاللعين قبل العين .. لك يا بعد عمري .. لجل عينك تكرم مدينه ..
هبه و هي تبوسها .. .:: فديتك بس ..
آلاء .. تتحمحم و هي توزع الاكل ..: المهم نبدأ جلستنا .. سمعوا يا بنات .. اسمعوا و عوا ..
اسراء ..: كلنا اذان صاغيه .. وش خطتك الجديده ..
آلاء تواسيها ..: المهم اسمعوني الحين ..
سيدرا ..: يالله قولي ..
آلاء بقهر ..: طبعا المقصود الاول هو ..
كلهم ..: نايف ..
آلاء .تبتسم .: شطورات بناتي .. المهم .. طبعا انا ما هنالي عين امس الا بعد ما خطرت ع بالي خطه جهنميه و خطيــــــــــــــــــره و مستحيل احد يقدر يشكني منها ..
سيدرا ..: يا قلبي انتي دوووم خططك ما تخرش المايا ..
الهنوف ..: و ربي يكسر خاطري اخوك هذا .. دووم هو الي يكون المقصود .. و الضحيه ...
الكل ...: ههههههههههه ..
اسراء ..: يا حليلك يا غاده بلاك ما تدرين و ع نياتك .. نايف هذا ابو البلاوي و هو رئيس .. شلة frist crazy .. و هو صاحب خططها و مقالبها ..
الهنوف بتفكير ..: فله هالاسم .. frist crazy .. من جد حركات اسمائكم ..
اسيل و هي تناظر آلاء ..: و هالمره وش سوى هالعله ..
آلاء ..: تخيلوا يا بنات .. اتخيلوا .. اتخيلوا .. اتخيلوا ..
سيدرا ..: زيـــــــــــــن تخيلنا وبعيدن ..
آلاء .. تبي تجننهم .. : مو ايه انا ما قلت تخيلوا الا عشان تتخيلوا ..
اسراء ..: وجع خلصي وش سوى .. هالسوسه ..
آلاء ..: تخيلوا ..
البنات ..: اوووووووووه ..
آلاء ..: خلاص .. خلاص .. المهم .. الاسبوع اللي فات كنت سهرانه و كان يوم اثنين .. مع ..........
الكل ..: سيدرا ع الجوال ..
آلاء و سيدرا ..: ههههههههههه ..
آلاء ..: شطورات بناتي .. المهم .. و بلغ عني الحكومه .. لتوضيح .. لوالد و الوالده .. و طبعا انحرمت من الجوال للحد نهاية الاسبوع و توه امس راجع لي ..
الهنوف .: مصيبه من الاسبوع اللي فات .. و بعدك ما نسيتي و لا سامحتي
آلاء .. شهقت بقووه ..: انا .. اسامح لالا ..

اسراء ..: شلة .. anjely .. ما عندها هالكلامات بقاموسها .. لا سامح و لا انسى ..
آلاء ..: و لا بعد امس تهاوش معي و ما خلاني اشوف المسلسل .. و رمى علي المخده و شد شعري ..
كلهم شهقوا مع بعض .
اسيل ..: لا لا هذا تعدى حدوده ..
اسراء ..: ما ينسكت له ابد .. قولي قولي و كلنا معاك ..
آلاء .. : اسمعوووووووووووا ....
..................
في جه ثانيه من المدرسه ..
بنات الثانويه العامه .. (( ثالث ثانوي ))
البندري .. و رنى .. شجون .. و مها غايبه ..
رنى و هي تاكل بهدوء ...: الا بنو ليه مهاوي غايبه اليوم ..؟
البندري متنرفزه منها لانها ما اعطتها خبر .. و لانها عارفه السبب ..: مدري .. بس هي سخيفه و مالها أي داعي ..
شجون اللي عيونها بالكتاب و بس ...: من جد .. المفروض انها تداوم تونا بادين اولا .. و بعدين كذا تفوتها دروس ..
البندري ...: اليوم بكلمها و بشوف وش سالفتها ... عن اذنكم ..
قامت و نفسها فخشمها بالمره متضايقه .. متضايقه من حالها و من تاضيقه من صديقت عمرها .. و متضايقه من كل شيء .. توجهت عند شلت اختها هبه .. و هي بالمره مخنوقه ..
وصلت عندهم و قالت بكل غرور بدون نفس ..: سلام ..
الكل ......: و عليكم السلام ..
البندري .. : هبه ممكن شويه ..؟
هبه و هي تقوم ..: اف كورس ..
قامت و راحت مع اختها .. آلاء ما تستظرف البندري و تحسها شايفه نفسها ع الفاضي ..: يا ام الغرور ..
سيدرا .. : ما عليك منها ..
ام عند هبه و البندري ..
مسكت يد اختها بقوه و تحس بغصه و انها معصبه بقووووه .. قالت بعصبيه ..: هبه .. احس اني بموت .. خلاص .. مالي داعي بهالدنيا .. مختنقه و متضايقه و حاسه بانواع الغباء .. تعبانه بقوووه ..
هبه تناظر اختها بحنان و حب .. و هي عارفه السبب ..: بنو .. قلبوو .. لا تسوي بنفسك كذا و لا تقولي كذا .. انت اقوى من هذا كله .. لا تخلي اللي حصل يهز فيك و لا شعره .. بعدين انسيه و ربي انه ما يستاهل و ربي بيعوضك من اللي احسن منه ..
البندري و تحس انه دموعها بوسط عينها ...: مدري .. هبو .. احساسي باني مجرد كرت احتايطي عنده قاتلني .. محطمني .. 3 سنوات و اطلع كذا .. و ربي لو انه قايلي اني مجرد اخت .. كانت هالكلمه ارحم من اللي طلبه مني ..
هبه تحس انها بتبكي مع اختها ..: بنو .. يا قلبي اللي ما يعرف قيمتك هو كذا .. بعدين انتي عاطيته اكبر من حجمه .. صدقيني .. لا تفكرين انتي وش كنتي بالنسبه له .. فكري انتي وشو بالنسبه لنا حنا .. حنا اهم منه .. و نحبك اكثر منه ..
البندري تعبت و قالت بتغير الموضوع ..: هذا غير الهبله مها .. اليوم ما داومت و السبب ... اهبل مثلها .. و لا حتى ما قالت لي انها بتغيب ..
هبه حست بقهر منها .. دوم تحسسها انها مهتمها بالغير و بس.. قالت بقهر و غيره وضاحه ..: و انيت وش لك فيها .. تسوي اللي تبيه .. انتي لمتى بتظلين شايله هم غيرك و بس ..
البندري بعصبيه ...: هبو .. ما اسمح لك تتكلمي عنها كذا .. مهاوي مثل اختي .. و افمي انها وحيده و محتاجتني ..
هبه بعصبيه اكثر ..: لا مو اختك .. و ما ابيها تكون اختك .. لانها مو كذا .. و تخسي تكون مثلي ..
وتركتها و مشت عنها .. و البندري تعبها وصل حده ... تحس بقهر من كل اللي حواليها ..
****************************************
في نفس الوقت .. في احدى جامعات القانون بالمملكه .. بالرياض .. كانوا قاعدين في الكافتيريا .. مجموعة شباب .. كانوا رايحين فيها معروفون بالسمعتهم الحلو هاو بالاحرى اسماء عوائلهم المخيفه .. و اللي تهز الارض هز ..
كان ماسك جواله و يكلم باندماج ..: وش دعوه يا قلبووو .. هذا و انا صار لي معك فوق السنه .. و بخلانه علي باني املي ناظري منك ..
غاليه .. بدلع ..: اممم .. طيب بس مدري .. مكان عام صعب .. اخاف حد يشوفنا ..
نايف ابتسم بسخريه .. "" يا بنت اللذين .. داخله بقووه "" : اوكي يا عمري وين تبينا نتقابل اجل .. ؟!
غاليه بنفس الدلع ..: اممم .. ممكن ناخذ لنا لفه بالسياره .. او نروح وحده من الحفلات اللي يقولون عنها ربيعاتي ..
نايف .."" يا حبيبي حفلات .."" ..: اوكي انتي شوفي لنا وحده من هالحفلات و بلغيني .. طب قلبووو ..

غاليه .. بذات الصوت الناعم و الدلع الرايق ..: اوك حياتي .. اكلمك بالليل ..


نايف .. يبي يخلص ..: اوك سلام ..


لافي .. : افف ما بغيت تسكر حضرت جنابك ..


عبدالله .. و هو يشرب عصيره ..: خله يوسع صدره .. وش عليك منه ..


نايف .. و هو يعلك ..: ما علينا وش صار مع اللي تكلمها .. ؟1


لافي .. بملل ..: لا فركشت من فتره معها طفشت منها و من دلعها اللي ينرفز .. افف لا تذكرني ..


نايف ضحك ع شكل لافي وهو يقول لا تذكرني ..: ههههههههه .. ايه ابشرك غلوو بتقابلني .. بس ع قولتها .. – يقلد صوتها – مو بمكان عام اخاف احد يشوفنا ..


لافي بضحك ..: ههههههه من جدها ذي .. بايعتها .. هههههه .. و وين بتقابلك انشاء الله ..؟!


نايف .. و هو يرفع ارجوله ع الطاوله اللي قدامه ..: تقول يا بالسياره او بالحفلات اللي يقلون لها عنهم ربعها ..


لافي ..: اهاااا ..


جا من عندهم سليمان .. و رمى بالملزمه ع الطاوله بقرف ..: سلام ..


نايف ..: هلا و غلا .. وينك انت ما دومت امس .. و اليوم ماجيت بدري ..


سليمان .. هو يشرب مويا ..: امس كان عندنا موعد و بعد ما رجعت من الموعد .. رحت للاستراحه و ما رجعت الا متأخر و نمت و ما صحيتا لا المغرب ..


لافي .. : شباب ما في محضرات هالحين .. وش رايكم نروح لتحليه ابي ارقم ؟!


سليمان .. : ابشر بس يجي مقداد .. و نمشي ..


مقداد جا مسرع : مرحبا بالشباب الحلوين ..


الكل ..: يا مرحبتين ..


مقداد ..: سمعتوا او ما سمعتوا ..


نايف بملل ..: وشو قول .. لا تستظرف عمرك ..


مقداد .. : مقبوله منك .. المهم .. الدكتور اسامه العله ..


نايف عدل جلسته ..: وش فيه .. ؟!


مقداد .. وهو مبتسم بوناسه ..: امسكوا معاه صور مخله بالاداب .. و غير كذا جت عليه شكوى بأنه مسرب اسأله كويز لأحد الطلاب و حولوه لتحقيق ..


الكل .. : أم وناااااااااااااااااااااااااسه .. ههههههههههههههه


سليمان وهو يوقف ..: يالله قوموا خلونا نروح مع اني اشك انا لتحليه فيها احد هالوقت ..


نايف وهو يوقف ..: لا التحليه عمرها ما تفضى ... يالله مشينا ..


عبدالله .. : قمووا بس خلونا نحتفل بهالموناسبه .. و نشبع شماته باسامه ..


الكل ..: يالله ..


*********************************


في مكان بعيد عن جو الحر و الغثا في المملكه .. في ايطاليا و روما تحديدا ..


كانوا 3 شباب قاعدين في وحده من الحدائق ..


سعوود ..: شباب .. وش ناوين نسوي اول ما نرجع لارض الوطن ..


مسفر : انا بتزوج ..


ناصر :: خيانه .. من دونا .. مالك حق ...


سعود بصدمه ..: من جدك .. من هذي تعيسة الحظ اقصد سعيدة الحظ ...


ناصر بتوقع ..: مريم ..صح ..؟!


مسفر و هو مبتسم ..: انشاء الله ...


سعود ..: عالبركه

مسفر ومبتسم ..: الله يبارك فيك
ناصر ..: اللي يسمع انو البنت وافقت ... يمكن ترفض .. (( يأشر على نفسه )) يمكن عمها ما يوافق
مسفر ..: عاد انا اللي طاس بمعها
ناصر يلتفت على سعود ..: سوسو تكلم ..قول شي .. انا قاعد انهان ..
سعود و هو وده ينرفز ناصر ..: لا لا يا مسفر ما يصير كذا .. عيب
ناصر و هو يناظر فيه ..: لا ورى ما تبوس راسه
سعود و مسفر ..: هههههههههههه ... هههههههههههههه .. هههههههههههههههههههه
ناصر ..: اللوم مو عليكم ... على اللي يقعد معكم
و قام عنهم
****************
في السعوديه بذات الوقت انتهت الدومات .. البنات عند باب المدرسه ..
آلاء .. و هي تمشي مع البنات و كلهم بيتوجهون لسياراتهم ..: بنات لا تنسون يوم الاربعاء .. و اللي وصيتكم عليه ..
الكل ..: اوكيشن ..
آلاء و هي ماسكه سيدرا من يدها و تشدها ..: تعالي اتغدي عندي .. تعالي ..
سيدرا .. هي ترفض .. و تسحب يدها ..: لا لا ... ماما ما ترضى .. و بعدين بروح وراي اشغال ..
آلاء .. و هي تتركها و تروح عنها ..: مالك داعي بالحياة ابد .. سخيفه ..
دخلت السياره و هي تتحلطم ..: السلام ..
نايف .. يتحرش فيها ..: لا كان تأخرتي بعد تو خير .. اخت آلاء ..؟
آلاء .. مالها مزاج ..: اقووول لا يكثر امشي انا جوعانه ..
نايف انقهر منها ..: و اللوم مو عليك ع اللي يركبك سيارته .. و يوصلك كل يووم ..
آلاء . تبي تقهره اكثر ..: و الله هالموضوع مو بكيفك .. غصب عنك .. لانه مدرستي ع طريقك و انت رايح و انت راجع .. هه هه هه ..
نايف .. من جد انقهر ..: يصير خير ..
مشى و هم بالطريق وقف عند بسكن روبنز .. و نزل يشتري له ايس كريم ..
طبعا آلاء طلعت عيونها عليه و استانست .. و تقول بخاطرها "" يمكن يبي يعتذر لي عشان كذا نزل يشتري لي ايس كريم .. بس لا لا نايف مو راعي اعتذار و حركات ..""
رجع لسياره و هو ماسك الايس كريم بيده .. و فتح العلبه و كانت ع توت النكه اللي تعشقها آلاء .. فتحت عيونها ع الاخر انه بس علبه و حده .. بدأ ياكل ..: امممممم .. شيء عجيب و يبرد ع القلب بهالحر ..
آلاء بقهر ..: وووع وش هالريحه ..
و هي بالاساس بتموت ع ريحته .. قربه منها و قال ..: وااااو انا امووت فيها .. فضيعه ..
و طول الطريق ياكل و يسوق و يجننها ..
دخلوا البيت و هي من قهرها .. رمت اغراضها اقرب كنبه جنبها .. و راحت ع طاولة الطعام اللي قاعد عليها بدر .. و حسن و حسين .. و امها تجيب الاكل و قعدت .. ع طول بدت تاكل بقهر ..
امها و تبتسم ع شكلها ...: ماما .. ما فيه السلام ..؟
آلاء و هي تناظرها ..: سوري ماما من القهر و الجوع نسيت .. السلام
الكل ..: و عليكم السلام ..
دخل من الباب ..نايف يناظرها و هو مبتسم .. يحرق اعصابها .. : ما امداك حتى ملابسك و ما بدليتها ...؟ مرحبا ماما ..
و راح يبوس امه .. : هلا حبيبي ..
آلاء ..: وش خصك انت يا النذل ..
نايف بابتسامه تقهر ..: مشكورة و ع فكره قديمه و بصراحه شهاده اعتز بها ..
آلاء من جد كل ما زاد من حركاته تنقهر اكثر ..: اوووه ..
بدر و هو ياكل ..: وش صاير ..
آلاء و بقهر من جد ..: تخيل يا بدر شرى له ايس كريم توت من باسكن و ما شرى لي معه و هو يدري اني احبه ..
بدر و هو يناظر نايف ..: من جد نذل ..
نايف يبتسم له ..: ثانكس ..
بدر يبتسم لها بحنيه ..: و لا يهمك يا قلبي اليوم اشتري لك .. و انا راجع من عند الشباب ..
آلاء .. بفرح ..: ربي لا يحرمني منك حبيبي انت ..
وصل ابوهم و قعد ع الطاوله ..: السلام عليكم ..

الكل ..: و عليكم السلام ..
ابو خالد ..: ها يا آلاء اخبار المدرسه ..؟
آلاء ...: تمام بنتك السنه الاولى ..
قرب منها نايف يهمس ..: الخوف يكون رسوب مع مرتبت الشرف ..
آلاء ...بنفس الهمس : هذا لك مو لي ..
ابو خالد ..: و انت يا نايف اخبار الجامعه ..؟
نايف بقهر لانه داخل المجال بدون رضاه .. بس يجامل ابوه ..: امم حلوو تعودنا ع المجال يعني عادي ..
ابوه عارف قصده بس طنش ..: كويس دووم نشاء الله ..
..........
دخلت البيت و هي و هبه ما يكلمون بعض طول الطريق ساكات .. و شجون و الهنوف .. هم كانوا ساكتين ..
ابراهيم نازل من الدرج ..: هلا بصبايا البيت .. و حلواته ..
الكل ...: هلا ..
ابراهيم .. بصوت اشبه الهمس ..: بسرعه بدلوا و انزلوا قبل ينزل الحنون .. و ما يلقاكم و يعمل لكم محضرت .. الوقت الثمين ..
الكل .. عدا البندري ...: ههههههههه ..
صعدت غرفتها .. و دها تنام يمكن تصح و تشوف انه كل اللي صار مجرد حلم او ما صار اصلا .. بس ما فيه مجال .. عندها امتحان و لازم تذاكر .. و عندها مواعيد الغدا و العشا .. اللي مصيبه لو اجلتهم ..
غيرت ملابسها .. و مسكت جوالها .. و دقت ع مها .. و انظرت الرد .. ردت بصوت مبين عليه النوم ..: هلا بنوو ..
البندري حست بغيض منها بس حاولت تهدي ...: بس تصحصحي .. كلميني ..
و سكرت بدون حتى كلمة سلام .. رفعت شعرها بشكل مهمهل .. ما زادها الا حلات ..
نزلت بملل .. و برود .. و قعدت ع طاولت الاكل .. اللي كانت كل العايله عليها .. عدا الجد .. قالت بفتور ..: السلام ..
الكل ..: و عليكم السلام ..
اخذتها افكارها لبعيد .. لمكان جرحها و ذبح فيها احساس الحب .. و متعته .. كرهت نفسها و السبب هو .. خلت كل تفكيرها .. يستنتج اهميتها عند الكل .. انها مجرد كرت احتياطي عند البعض .. او مجرد فخر للبعض الاخر .. قبل شهر بالضبط .. كانت تنتظر اتصاله ع احر من الجمر .. اتصل ع حدود الساعه 11 بالليل و كان مخنوق .. و مزاجه مقفل .. البندري بلهفه ..: هلا .. بشر ..
فهد بكل خنقه و عصبيه ..: رفضتني .. بعد كل هالسنين و هالحب و ايام السهر .. رفضتني .. ما عاد تبيني .. انا فهد حسن الــــــــ .. انرفض .. بنت الــــ ،، ،،، ..
البندري انصدمت كانت تتوقع انها تاوفق و بك رحابت صدر ..: من جدك .. ؟!
فهد و هو ياخذ نفس ..:: ايوه من جد ... انا مقهووووووووور مقهور منها من حقارتها .. بعد كل هذا تقول و بكل بساطه ما عاد ابيك ..
البندري حاولت تهديه ..: طيب يمكن .. تكون استخارت و مــ ..
فهد قاطعها بعصبيه ..: حتى لو ما كانت تعلقني كل هالسنين و يوم اقدر .. اكتشف اني مجرد حب عابر ..
البندري .. : طيب هدي انت . ماله داعي تعصب و تنرفز نفسك ع شي خلاص .. صار و انتهى ..
فهد قال بكل انفعال و عصبيه او يمكن بدون تفكير ..: بنو .. تقبلين تحبيني .. اقصد ابيك تحبيبيني فيك .. نسيني و ياه .. ابيك تكوني حبيبتي .. ابيك تنسيني اياه و ....
البندري .. كانت صدمتها فيه اكبر .. طلبه حطم فيها اشياء كثير .. خلاه تعرف قيمتها عنده .. خلاها تعرف انها بعد ما كانت اخت بالنسبه له .. صارت وسيله ينسى فيها جرحه .. قالت بصدمه ...: ايش ..؟!
فهد .. بكل ثقه ..: ادري انك مصدومه و ادري انك مبسوطه .. خلاص انتي تحبيني .. باقي عليك تحبيبيني فيك .. عارف انك ممكن تكوني تنتظري اني انرفض .. عشان يحصلــ ....
البندري بعصبيه ما عمرها طلعت عليه او في وجهه .. كان ودها تقوله بعد كل هالحب .. لك صار حقد .. : لا انتي اكيد انجنيت .. انت اكيد انهبلت .. انت واحد من جد حقير و ما عمري بشوف بحقارتك ..
فهد .. مستغرب ..: بنو ... ؟!
البندري .. بعصبيه اكبر ... و دمعتها ما طاعتها و نزلت ع خدها ...: اسكت .. لا تجيب اسمي ع اللسانك .. يمكن احبك .. يمكن ما اقدر اعيش بدونك .. يمكن غلاك ما يوصله غيرك .. بس لا .. لا و الف لا .. مو البندري فااااااااااااااااااااااااارس ... اللي تكون كرت احتياطي .. ما اسمح لك ..
قاطعه يبي يشرح لها .. فهد ...: بنو لحظــ ..
البندري ... بعصبيه و قهر ..: اسكت قلت لك اسكت .. انت اللي بتسعني الحين انت .. صار ل ثلاث سنين اسمعك و احس بشعورك .. و اسمح لك

تجرحني بكل احساس تحسه .. بدون ما الومك .. لاني اردي من بدايت علاقتي فيك انك تحبها .. و مع ذلك حبيتك ..
شهقت و حست روحها بتطلع معها من قهرها و صدمتها فيه ..
البندري .. ودموعها ع خدها تنزل و كأنه عمرها ما نزلت .. تفجر و كأنها بركان ما صدق انه ينفجر ...: 3 سنوات و انا حبي لك يكبر يوم عن يوم .. 3 سنوات و انا احسدها ع حبك و حنانك لها .. 3 سنوات و جروحك تزيدني الم .. و ما اقدر اتكلم .. تدري ليه .. اكيد تدري .. لاني مجرد اخت .. مجرد اخت من 3 سنين ..
فهد ... كان يسمع و منصدم .. حس نفسه مليون حقير ..
البندري تكمل ...:: يوم اعترفت لك بحبي لك .. احترمت كلامك .. و اعتذرت منك .. لاني ما اقدر الومك .. لاني ادري من البدايه بحبك .. حبيتك و انا ادري عن كل شيء .. و انا اسمعك و اسمع احساسك و احس فيك .. و احس اني اغبى انسانه .. تمنيت كثير وقتها اني اكون مكانها و احصل نفس الحب و الحنان اللي انت تعطيها وياه .. بس لا يا فهد .. لا .. لحد هنا وبس .. مو البندري اللي تنكسر لاحد .. و لا البندري اللي تسمح لاحد انه يستغلها و يجرحها اكثر من كذا ... و اعرف اني ع قد ما حصلت بحياتي صدمات .. ع ما قد انا لقيت الحين فيك اكبر صدماتي ..
فهد .. يبي يتكلم يبي يعتذر بس ماله وجه ...: بنو ...
البندري ... بكل حزم و صرامه و قوه ما عرفت نفسها فيها الا بهالوقت ..: انساني يا فهد .. قبل تنسى ابتسام .. انساني انا .. انسى المغفله بنو .. و انسى حبي لك .. لاني ما عاد ابي اعرفك و لا ابي اسمع صوتك .. خلااااااااااااااااااااااااااااااااااااص .. ما جاني منك مكفيني و يزيد .. و حط ببالك .. بنات الناس مو لعبه ..
سكرت يوومها بوجهه بكل قوه و نزلت ع ارجولها تبكي و تبكي و تبكي .. بدون أي احساس غير الالم ..
............: بنوووووووووووو ..
التفت مرتعبه ما انتبهت لامها تناديها .. : هلا ..
امها بخوف عليها ..: ماما وش فيك ..؟!
البندري قامت من ع الاكل ..: و لا شيء .. عن اذنكم ..
الجد .. بكل صرامه ... و هو ياكل و ما ناظر حتى فيها ..: اقعدي كملي اكلك ..
قعدت و هي نفسها مسدوده .. بالاصل .. بس الاوامر اوامر ..
**********************
عند مها ...
ظلت تتصل ع بنو .. بس ما ترد .. خافت عليها .. بس قالت بتنتظر شويه و بترجع تدق بعدين .. نزلت تاكل مع امها و ابوها .. و هي بالها مع البندري .. خلصت و ركضت ع غرفتها .. مسكت الجوال و دقت بس هم ما فيه أي رد .. : اووووه الحين اكيد زعلت .. يا ربي منك يا بنو ..
دق جوالها عن نغمت .. (( اسمعك لراشد ))
ابتسمت و ردت بكل وله . .: هلا قلبوو ..
سعد و هم هو مبتسم ..: هلا .. كيفك ..؟
مها .. : تمام .. بس قلقانه شوي ..
سعد باستغراب ..: خير .. ؟!
مها .. : بنو مدري وش فيها ادق عليها و ما ترد شكلها زعلت ..
سعد يوم جا طاريها ابتسم بخبث ..: ليه .. ؟! وش زعلتيها انتي فيه ..؟
مها .. ع نياتها ...: مدري عنها .. اكيد لاني ما دوامت و ما قلت لها ..
سعد قال بلا مبالت ..: طيب بكيفها اللي يزعل يمديه يرضى ... شيليها من بالك اذا بغتك بتكلمك ..
مها بزعل ..: لا سعودي لا تقول عن بنو كذا .. ما ارضى ..
سعد بملل من سيرة البنو اللي دوم تتكلم عنها مها ..: طب طب .. خلاص اسف نسينا انها مكان محضور ..
مها ضحكت برقه ..: هههههه .. ايوه كذا صح .. و بعدين كفايه اللي هي فيه ..
سعد .. بنفس الا مباله .. : الله يعينها .. المهم قلبي انا بسكر الحين بروح اذاكر .. شويه اخلص و ارجع اكلمك .. اوك ..
مها ..: اوك .. سلام ..
سكرت من هنا و دق جوالها ع نغمت (( يحق لك .. لاصيل ابو بكر ))
ردت بسرعه ..: هلا بنوو .. قلبووو وش فيك قلقتيني عليك ..؟!
البندري ببرود و هي تمسك القلم و تكتب ..: ما فيني شيء .. بس كنت ابي اعرف ليه حضرتك غايبه ..؟
مها بخجل ..: امممممم .. لاني كنت سهرانه مع ..
البندري قاطعتها بعصبيه و تريقه ..: مه سعد باشا .. لمتى يا مها يعني .. قلنا لك حبي و اشبعي حب .. بس ركزي .. ركزي شوي .. حنا اخر سنه يعني المفروض تشدين حيلك .. اللعب هذا كله ما ينفعك صدقيني ..
مها بزعل ..: الحين الحب صار لعب .. ؟!
البندري .. :: انتي تدرين انه مو هذا قصدي .. بس اتنبهي ع نفسك شوي .. ما حد فايدك غير نفسك .. و انتي حره ..
مها بملل من نفس الحكي ..: طب ..

البندري .. : المهم .. بكره عندنا اختبار كيميا من الملزمه .. الفصل الثالث ..
مها .. : طيب ..
البندري .. : يالله سلام ..
مها بسرعه ..: بنو ..؟!
البندري ...: هلا ..
مها ... بتردد ..: انتي زعلانه ..؟! اقصد صاير شيء مضايقك ..؟!
البندري طفشت منهم و من اسألتهم ..: مها انا مو مسكينه ... و مو محتاجه شفقه و سؤال مستمر من حد .. مو زعلانه و لا متضايقه .. خلاص .. سلام
و سكرت . مها ..."" ياااااااااااربي منها .. الله يعينك يا بنو .. و يعيني عليك .. ""
*************************
بالليل ..
.. سيدرا و هي تفتح التلفزيون .. : لافي .. انا طفشانه مووووت .. خلنا نطلع .؟!
لافي و هو ماسك لاب توبه و مشغول بالفيس بوك .. : خلي ناصر يطلعك انا مشغول ..
سيدرا .. بملل .: يووه .. لافي .. حرام عليك نصور توه راجع من شوي و اكيد بينام .. و تعبان .. فشله اطلب منه ..
لافي .. و هو يلتفت عليها ..: كلمي خويتك و اطلعي معها ..
يقصد آلاء .. سيدرا بتأيد ..: ايوه بشوفها .. اصلا انت ما فيه منك رجى .. مدري وش فيك صرت متغير علي ..
لافي استغرب نبرتها .. و التفت عليها لقاها تناظر التلفزيون بملل و باين عليه الزعل .. : افاا .. سوسو .. زعلتي ..؟!
سيدرا ما عطته و جه .. و دقت ع آلاء .. بس ما ردت عليها .. : اوووف و ذي بعد ما ترد .. تدري كيف بقوووم انوم احسن لي ..
لافي استغرب منها عصبيتها .. : سوسو ..
وقفت قبل تصعد .. : ............
لافي حط جنبه الاب توب .. و وقف ..: قلبووو وش فيك .. ليه معصبيه .. اذا ع الطلعه .. خلاص قومي نطلع ..
سيدرا ما التفت عليه هي ضايق خلقها و لا تدري ليه اصلا ..: لا غيرت راي بصعد غرفتي .. بدخل ع النت شوي .. سوري لاني ازعجتك ..
و دخلت للاصنصير .. و هو واقف مستغرب .. هز راسه مو فاهم شيء و رجع مكانه ..
**************************
طلع من جناحه طفشان و ما عنده شيء جديد يسويه .. و غاليه لحد هالحين ما حددت وقت عشان يتقابلون .. ناظر جناح آلاء و ابتسم بخبث .. و راح لعنده .. و طق الباب ..
آلاء كانت قدام التلفزيون و تحط مناكير .. و مو فاضيه لشيء ابد .. : تفضل ..
دخل و هو راقف عند الباب .. ابتسم .. : ممكن اقعد معك .. ؟!
آلاء .. باستغراب .."" العن وش هالذرابه .."" .. ابتسمت ..: تفضل ..
دخل و قعد جنبها .. : اممم .. آلوي .. غلاي ..
آلاء فتحت عيونها ع وسعها .."" لا لا نيوف فيه شيء .. أكيد مريض .. "" ..: نعم تكلمني . .؟!
نايف ابتسم لها ..: هو فيه آلاء غيرك هنا ..
آاء عارفه انه وراه شيء ..: اممم .. طيب من الاخر وش عندك ..
نايف و هو يناظرها "" والله لولا الملل و الطفش .. ما كان جيتك .."" : امم .. وش رايك تطلعين معي .. نتمشى شوي ..
آلاء وهي تحط اخر ظفر.. : طيب وش معنى ..
نايف .. هو يناظرها و يتكلم بطفش ..: بصراحه طفشان و حابب اطلع .. و بعدين بعد كم يوم عندي مشوار و ابي اشتري شيء ابز فيه .. و ما بانه ما يعجبك العجب و دوم تتريقي ع ذوقي .. خلاص قومي نطلع سوى و منها تنقي لي شيء ع ذوقك ..
آلاء .. اعجبتها الفكره انها تطلع معه .. و بنفس الوقت تستغله شوي ..: اوك .. دقايق اجل البس واجيك ..
نايف وقف بحماس ..: اوك .. انتظرك برى ..
***************
عند سيدرا .. قعدت ع النت .. و فتحت المنتدى ضايق خلقها و تحس بكتمه .. و بنفس الوقت طفشانه و تبغى تسوي شيء جديد .. حطت اللاب توب ع جنب .. و راحت عند تسريحتها ..
خلوني اسولف لكم عن سيدرا من حيث طبعا و شكلها .. << وحده من اهم الشخصيات
سيدرا وقفت قبال المرايه بالضبط .. و قعدت تحرك شعرها .. اللي كان لحد اكتافها بس .. لانها قاصته من كم شهر .. هي و آلاء قبل بداية المدارس .. و طول شويه .. كان لونه بني داكن طبيعي و حلوو .. مع عيونها العسليه الفاتحه و الوساع .. كانت ملامحها جذابه و حلوووه من جد ينظرب فيها المثل .. شفاتها متفوخه طبيعي و مضمومه مررره حلوه .. وردين .. مسكت

اللقلوس و حطت منه عليهم بشكل ناعم .. و خشمها كان مناسب لشكلها حلوو هذا غير بشرتها الصافيه .. و بالنسبه لجسمها .. كان انثوي بشكل ملاحظ مع انها توها صغيره يعني 16 .. سنه بس .. و ثاني ثنوي علمي .. بس كانت من جد حلوووه ..
رجعت و قعدت ع الاب توب و هي ترفع شعرها بشكل مهمل ما لها مزاج .. تحب الحب و مبسوطه لللافي اللي تعرف انه يحب آلاء .. بس يمكن الصفه اللي هي مشهوره بها العناد و الكبرياء كرامتها فوووق كل شيء ..
هذي هي سيدرا .. مع هالشخصيه اللي اكيد تشوفونها حاده نوعا ما .. الا انها حبوبه و تنشرب مع المويه العكره ..
رجعت للمنتدى اللي لها سيط كبير فيه .. بنك حقها ..
))"" احساس قلبي ""((
كانت تكتب في قسم الخواطر و النثريات .. بس الغريب راحت لقسم النقاش الجاد .. هالمره ..
دخلت و كتبت موضوع جديد بعد ما ردت ع كم موضوع .. و فتحت الايميل حقها ..
كتبت فيه ..
{{ الحب ج ـزء من وجود الرجل ؛ ولكنه..وجود المرأة بأكمله
الى كل البنات و الشباب بهالمنتدى ..
اول شيء احيكم تحيه من القلب .. و اتمنى تتقبلوني هنا بينكم ..
بهذا القسم الراقي ..
حبيتا ناقش معكم موضوع شاغلني ..
ليه دائما البنات يبحثون عن الحب .. و الحنان الدائم ..؟
ام الشباب فما يدورون الا ع المتعتهم الشخصيه .. او بالاحرى التسليه ..؟
يمكن يكون الحب مهم لرجال .. و يمكن يبحث عنه .. بس مو شرط يحافظ عليه .. او يعطيه اهميه في حياته ..
ام المرأ فهي اكثر حفاظ و تقديسا للحب .. و دائما الحب عندها هو كل حياتها ..
يا ترى ليه نعتبر المرأه هي المخلوق الضعيف .. العاطفي .. و الذي ليس له هدف سوى البحث عن الحب و الآمان .. و الاثنان مكملان للبعض ..؟
و ليه نشوف ان الرجال مهما حب و مهما عشق .. و مهما حاول يضحي .. فهو مستحيل انه ي\يقدر يعبر عن هالحب بصراحه .. او قد تكون جرئه .. ؟
مع تحياتي الخالصهـ .. )) "" احساس قلبي ""((
نزلت المووضع و رجعت لقسمها عشان اذا ردوا عليها ترجع له .. وهي طفشانه بالمره .... مسكت جوالها و دقت ع آلاء .. و انتظرت ردها ..
....: هلوووو لاحلى حلووو
سيدرا ابتسمت الا اراديا لبنت خالها و عمتها .. : هلا بك ..
آلاء . استغربت من صوتها ..: سوسو وش فيه صوتك ..؟
سيدرا تحمحمت ..: و لا شيء بس لاني ساكته من مساع .. وينك فيه وش هالازعاج اللي عندك ..؟
آلاء ..و هي تناظر في نايف اللي تعب و هو يقيس و ياخذ رايها .. و تأشر له بمعنى انه اللي عليه ما اعجبها .. : مع نايف بالسوق ..
سيدرا بصدمه ..: نايف ..؟؟
آلاء ضحكت بنعومه ..: يس .. حتى انا استغربت بالبدايه .. بس يالله مالنا خيار ثاني .. و بعدين كنت طفشانه و عرضه ما يتفوت .. بيمشيني و بيعشيني .. و بيشتري لي كم شغله ..
سيدرا لانها عارفه طبع نايف ..: و وش مقابل كل هذا ..؟
آلاء ..: انقي له .. كم لبسه حق مدري ايش عنده بعد كم يوم ..
سيدرا .. بطفش ..: اهااا .. طيب اخليك اجل ..
آلاء ..: اوك .. اذا رجعت البيت كلمتك ..