غربت العيد

العيد يجمع كـل واحـد بخلـه وانا في الغربـه معيـد لحالـي
ودمع عيني فوق خـدي يهلـه مثل المطر تبكي على كل غالي
والشوق في داخل فوادي يتلـه على هوى بالي وفرقت عيالـي
ياويل حالي زادني الشوق علـه ما كن يكفيني عـذاب الليالـي
هموم قلبي تتبعـه مثـل ظلـه محتار بالدنيا وش اللي جرالـي
مرت ثمان اسنين عيشه مملـه ايام غبـرا جوهـا ماصفالـي
ياريت من ينوي جناحه يشلـه من وحشته يسبق رياح الشمالي
وقتي معاندني وسيفـه يسلـه مطعون من غدره وطولت بالي
الصبر مفتاح الفرج مـن يدلـه يالله تصبرنـي وحقـق منالـي